கோவை மெஸ் - EMBIRE BIRIYANI, R.S.PURAM, COIMBATORE

 EMPIRE BIRIYANI - R.S.PURAM

பாசுமதி அரிசி பிரியாணி தேடலில் இந்த ஹோட்டல் அகப்பட்டது... பர்த்டே கொண்டாட்டங்கள் இன்னும் தொடர்வதால் நண்பரின் அழைப்பிற்கேற்ப இங்கே நுழைந்தோம்.

ஹோட்டல் அட்மாஸ்பியர் பெயருக்கேற்றவாரே நல்ல இண்டீரியர் அமைப்புடன், ஏசியின் மென் குளிருடன் அழகாய் இருக்கிறது. அதிக பட்சம் 35 - 40 பேர் ஒரே நேரத்தில் உணவருந்தும் படி டேபிள்கள் நல்ல இட வசதியுடன் போட்டு இருக்கின்றனர்.வாஷ் ஏரியாதான் மிக சிறிது..

அந்தளவுக்கு கூட்டம் இல்லாததால் ஓகே தான்...  உணவுக்கு வருவோம்..

மெனு கார்டில் வெரைட்டிகள் பலதும் கண்ணை உறுத்த, நாம் எதிர்பார்த்த, மிகவும் விரும்பும் பாசுமதி பிரியாணியை ஆர்டர் செய்தோம்...அதற்கு துணையாய் இறால் சில்லி, அல்பஹாம் சிக்கன், லாலி பாப் போன்றவையும் ஆர்டரிட்டோம்.

முதலில் வந்தது இறால் சில்லி... அளவான காரம்.. குறைவான உப்பு.. குழந்தைகளுக்கு ஏற்றதாய் இருந்தது.

அளவு தான் குறைவு..

அடுத்து லாலிபாப்..

அது எப்பவும் போல ஓகே ரகம் தான்..

தொட்டுக் கொள்ள கொடுத்த சில்லி சாஸ் உடன் லாலிபாப் சுவையும் ஓகே..

அடுத்து வந்தது அல்ஃபகாம் சிக்கன். இதுவும் நன்றாகவே இருந்தது.சிக்கன் நன்கு மென்மையுடன் அளவான காரத்துடன் நல்ல டேஸ்டுடன் இருந்தது..அடுத்து நம் ஆவலை தூண்டிய பாசுமதி பிரியாணி...

ஒரு பாத்திரத்தில் பொன்னிறமாய் பிரியாணி வர, எடுத்து கொட்டியதும் உதிரி உதிரியாய் சிதறியது..நீளமான பிரியாணி அரிசி யின் நிறமும் திடமும் ஓகே.. சுவை கொஞ்சம் குறைவுதான்.அளவும் குறைவுதான் ஆனாலும் சாப்பிட நன்றாகவே இருக்கிறது.சிக்கன் துண்டுகள் நன்கு மென்மையுடன் இளம் பஞ்சு கணக்காய் வெந்திருந்தது.பாத்திரத்தில் இரண்டு பெரும் சிக்கன் துண்டுகளும், முட்டையும் இடத்தை ஆக்ரமித்துக் கொள்ள பாசுமதி பிரியாணி அளவு குறைவாக இருக்கிறது.ஒரு ஆள் நன்றாக சாப்பிடக்கூடிய அளவிற்கு இருக்கிறது.ஆனால் மற்ற பிரியாணி ஹோட்டல்களில் இரண்டு பேர் தாராளமாய் சாப்பிடக்கூடிய வகையில் வைக்கிறார்கள்.விலையும் அதே தான்.இங்கு குறைவே.. இதனோடு வந்த கத்தரி கட்டா செம அல்டிமேட்..நல்ல சுவை..பிரியாணிக்கு ஏற்ற செம காம்பினேசன்..ரொம்பவும் குழைந்து போகாத கத்தரியுடன் சிறிது புளிப்பும், காரமும் நல்ல சுவையை தந்தது. பைனல் டச்சாய் பிரட் அல்வா..இதுவும் நல்ல டேஸ்ட்..நன்றாக இருக்கிறது திகட்டாமல்...

நிறைய மெனுக்கள் இருக்கிறது.நமது ஒரே மோட்டிவ் பாசுமதி பிரியாணிதான்..இதை ருசிக்கதான் ஒவ்வொரு ஹோட்டல்களாக தேடிப் போவது..இந்த எம்பையர் ஹோட்டல் பிரியாணி ஓகே ரகம் தான்..விலை கொஞ்சம் அதிகம் தான் ஆனாலும் ஓகே தான்.

அந்தப்பக்கம் போனீங்கன்னா சாப்பிட்டுப் பாருங்க.

உங்களை ருசிக்க வைக்கும்..

RSPURAM டிவி சாமி ரோடு முடிவில் பால்கம்பெனி ரோட்டில் பெட்ரோல் பங்க் அருகில் இருக்கிறது.

நேசங்களுடன்

ஜீவானந்தம்.

#EMBIREBIRIYANI #NONVEG #KOVAINERAM #biriyani #biriyanilovers #CHICKENBIRIYANI #NONVEG #prawns #alfaham #lollypop  #foodblogger #foodie #foodlover #food #blogger #bloggerlife #bloggerstyle #KOVAINERAM  #கோவைநேரம்

இன்னும் கொஞ்சம்...

கோவை - வெள்ளியங்கிரி மலை தரிசனம் போவோர் கவனத்திற்கு

கோவை வெள்ளியங்கிரி மலை ஈசனை தரிசிக்க பிப்ரவரி ஒன்று முதல் அனுமதி அளிக்கப்பட்டு பக்தர்கள் மலை ஏறிக் கொண்டு இருக்கின்றனர்.இப்பொழுது கூட்டம் குறைவாக இருப்பதால் நிறைவாக தரிசனம் காண முடியும்.மஹா சிவராத்திரி அன்று லட்சோப லட்சம் மக்கள் ஈஷா விற்கு கூடுவார்கள். அன்றிலிருந்து பக்தர்கள் கூட்டம் அதிகரிக்கும்.

வெள்ளியங்கிரி மலை ஏறுபவர்களுக்கு டிப்ஸ்.

1) மலையில் கடும் குளிர் இருக்கும்.

எனவே கம்பளி, ஜெர்கின், குல்லா, போர்வை தேவை.

2) மலையில் சுனை நீர் உண்டு.

இருந்தாலும் வாட்டர் பாட்டில் கொண்டு செல்வது நல்லது.

3) கடை கண்ணிகள் ஒவ்வொரு மலையிலும்  இருக்கும். தாகம் தணிக்க, டீ , சோடா வாங்க காசு வைத்துக் கொள்ள வேண்டும். 

4) செங்குத்தான மலைப்பாதை என்பதால் அடிவாரத்தில் மூங்கில் தடி வாங்கிக் கொள்ள வேண்டும்

5) தாகம் அடிக்கடி எடுக்கும் என்பதால் ஆரஞ்சு புளிப்பு மிட்டாய் வைத்துக் கொள்ளுங்கள்.

6) பூஜை செய்ய விருப்பப்பட்டால் தேவையான பொருட்களை அடிவாரத்தில் வாங்கிக் கொள்ளவும்.

7) கேமரா அனுமதி இல்லை.மொபைல் எடுத்து செல்லலாம்

8) கஞ்சா, பீடி, மது, மாமிசம், அனுமதி இல்லை

9) மலையேறும் பக்தர்கள் மிகவும் குறைவான எடையுள்ள பொருட்கள், பேக் எடுத்துச் செல்வது நல்லது.

10) டார்ச்லைட், பவர் பேங்க் வைத்துக் கொள்ள வேண்டும்.

11) முடிந்தவரை பாலீதீன் பைகளை தவிர்ப்பது நல்லது. 

12) மெடிக்கல் எமர்ஜென்சிக்காக ஒரு சில மருந்துகளை கைவசம் வைத்திருப்பது நல்லது.

13) செருப்பு அணியாமல் மலை ஏற வேண்டும் என்பதால் அடிவாரத்தில் விட்டுச் செல்வது / தவிர்ப்பது நல்லது.

14) மலைகளில் குப்பை போடாமல் இருப்பது நல்லது.

பழைய துணிகள், பாட்டில்கள், பாலீதீன் பைகளை மலைகளில் விட்டுச் செல்வது தவிர்க்க வேண்டும்.

15) அடிவாரத்தில் லாக்கர் வசதி உள்ளது.விலை உயர்ந்த பொருட்களை பாதுகாப்பாக வைத்துக் கொள்ளவும்.

16) வயதானவர்கள், குழந்தைகள், இதய நோய் உள்ளவர்கள் தவிர்ப்பது நல்லது.

17) மொபைல் நெட்வொர்க் வேலை செய்யாது.

18) அட்டைப்பூச்சிகள் இருக்கும்.பாதுகாப்பாய் சுனை நீர்களில் குளிப்பது நல்லது.

எல்லாம் வல்ல வெள்ளியங்கிரி ஈசனை தரிசித்து அருள் பெற வாழ்த்துகிறேன்.

ஓம் நமசிவாய

மலை அடிவாரத்தில் அன்னதானம் வழங்கப்பட்டுக் கொண்டு வருகிறது.

கோவிலுக்குச் செல்பவர்கள் வெள்ளியங்கிரி அடிவாரத்தில் சிவனை தரிசனம் செய்து விட்டு அன்னதானம் உண்டு விட்டு வாருங்கள்.

ஓம் நமசிவாய..

நேசங்களுடன்

ஜீவானந்தம்

#பூண்டிதேசம்

#வெள்ளியங்கிரி 

#சிவனேபோற்றி

#கோவை #ஈஷா #ishayoga #velliyangirihills #trekking #devotional

இன்னும் கொஞ்சம்...

ஐ லவ் இந்தியா - தமிழ் திரைப்பட விமர்சனம்

 ஐ லவ் இந்தியா - தமிழ்.

நான் பத்தாவது படிக்கும் போது கரூர் திண்ணப்பா தியேட்டர்ல இந்த மெகா மகா காவியத்தை பார்த்திருக்கிறேன்.நேற்று ஒரு பேஸ்புக் பதிவிற்காக இந்தப் பட போஸ்டரை தேடும் போது, சரி எப்படி இருக்கும் இப்பொழுது பார்த்தால் என தோன்றியது...

பார்த்தேன்..வெறுத்தேன். 

கோலிவுட்டில்

அப்ப ஒரு ட்ரெண்ட் போல.. காஷ்மீர், தீவிரவாதி, வெடிகுண்டு, ஹீரோகூட கவுண்டமணி.. இதெல்லாம் இருந்தால் படம் சூப்பர் டூப்பருன்னு நினைச்சிருக்காங்க போல..

சண்டைக் காட்சிகளில்

இவங்க போட்ட வெடிகுண்டுகளில் காஷ்மீரே உருகி இருக்கும் போல..

ராஜஸ்தான் பாலைவனத்துல மணல் தெறிக்க தெறிக்க பைட்டு..

பார்க்குற நம்ம தலையில் அள்ளி போடற மாதிரியே இருக்கு..ஏண்டா இப்ப போய் பார்க்கிறன்னு..

பிரம்மாண்டம் என்கிற பெயரில் வெட்டிச் செலவு...

தீவிரவாதியை தனி ஒருவனாக பிடிக்கும் ராணுவ அதிகாரியாக சரத்குமார்.கவர்ச்சிக்கு புதிய பரிணாமமாக புதுமுகம் பிரியா.

சென்டிமெண்ட்க்கு செண்பகம், காமெடிக்கு கவுண்டமணி...ஹிந்தி மட்டுமே பேசற தீவிரவாதிகிட்ட பக்கம் பக்கமா தமிழ்ல பேசுற மனோரமா..அவன் இதான் சாக்குனு அவங்க கழுத்துல கத்தி வச்சி கொல்லப் பார்க்குறான்....

இசை நம்ம இளையராஜா..

பாடல்கள் மட்டும் செம..

தேசப்பற்று, காதல்,காமெடி, சென்டிமென்ட், பிரம்மாண்டம், அதிரடி ன்னு எல்லா ஏரியாவுலயும் பூந்து விளையாடலாம்னு இயக்குநர் நினைச்சிருப்பாரு போல...அதான் தயாரிப்பாளர் கோவணத்தை உருவிட்டாரு....

காஷ்மீர் தீவிரவாதிகளை படத்துல சரத்குமார் ஒழிச்சாரு..அப்புறம் விஜயகாந்த், அர்ஜூன் லாம் வரிசை கட்டி ஒழிச்சாங்க...

ஆனா

நிஜத்துல காஷ்மீரை நம்ம  மோடிஜிதான் சுத்தம் பண்ணி இருக்காரு....

இன்னிக்கு காஷ்மீர் ஒரு ரோஜா தேசம், ஆப்பிள் நகரம், தேனிலவுக்கு ஏற்ற ஊர் னு ஆகி இருக்கு ( இந்த வசனத்தை அப்பவே எழுதியிருக்காரு இயக்குநர்)

ஐ லவ் இந்தியா ன்னு பேரை வச்சா படம் பிச்சிகிட்டு ஓடிடும்னு நினைச்சிருக்காரு இயக்குநரு...பாவம் அவரே மண்டைய பிச்சிகிட்டு இப்ப எந்த கண்காணாத தேசத்துல இருக்காரோ...

இப்ப புதுசா ஒரு கும்பல் வேற கிளம்பியிருக்கு...அது  எங்க போய் சின்னாபின்னமாகப் போகுதோ....

ஜெய்ஹிந்த்

#ஐலவ்இந்தியா #ILOVEINDIA #INDIA #sarathkumar #pavithran #tamil #tamilcinema
x

இன்னும் கொஞ்சம்...

தள்ளுவண்டி பொரிகடலை

ஒரு சில நாட்களில் பூண்டி தேசம் போவதற்காக பேருந்து நிலையத்தில் நின்று கொண்டிருப்பேன்.அம்மணிகள் வருகை கொஞ்சம் ஆசுவாசத்தை உண்டாக்கும்.அதனாலயே பொறுமையாக நின்றபடி வேடிக்கை பார்த்துக் கொண்டிருப்பேன்.பக்கத்திலேயே தள்ளுவண்டியில் வறுகடலை, வேகவைத்த கடலை, மக்காசோளம், பனங்கிழங்கு, பொரி விற்றுக் கொண்டிருப்பர்.ரிதமாய் ஒலிக்கும் வறுகடலை கரண்டியின் சத்தமும், பொரி கலக்கும் சத்தமும் வேறு நம்மை ரசிக்க வைக்கும். அவித்த கடலையின் வாசம் மூக்கை துளைக்கும்.பசியை வேறு தூண்டும்.

அம்மணிகளின் மேல் கவனம் இருந்தாலும் நாசியானது அந்த வேர்க்கடலையின் வாசத்தை நுகர்ந்து கொண்டிருக்கும்.வாங்கி சுவைக்கலாமா என்ற யோசனையிலேயே மனம் இருக்கும்.

சுகாதாரம் பற்றிய நினைப்பும் அவ்வப்போது வந்து போகும்.கடலை வண்டியையே பார்த்துக் கொண்டிருப்பேன்..அவ்வப் பொழுது அவித்த கடலை விற்பவனின் செயல்களையும் பார்த்து கொண்டிருப்பேன்.அப்படித்தான் அன்றொரு நாள், அவித்த கடலையில் இருந்த கரண்டியை எடுத்து ரிதமாய் தட்டியபடி, அப்படியே கையின் மணிக்கட்டு பகுதியில் இருந்து முழங்கை வரை கரண்டியை வைத்து மேலும் கீழும் வறட் வறட் என சொறிந்து  விட்டு, அந்த கரண்டியை அப்படியே எடுத்து அவித்த கடலையை கலக்கி விட, பகீர் என்றது  பார்த்த உடனே...

வாங்கி சுவைக்க வேண்டிய ஆசையை அப்படியே மண்ணோடு மண்ணாக புதைத்து விட்டேன்....

இனி அம்மணிகளை மட்டும் ரசிப்பது என முடிவெடுத்து விட்டேன்.

கெட்டுப்போன பனங்கிழங்கு, பல நாட்களாய் வெந்து கொண்டிருக்கும் மக்கா சோளம், கடலை மேல் தெளிக்கும் அழுக்கு தண்ணீர் என சுத்தமும் சுகாதாரமும் போட்டி போடும்.

இதை வாங்கி ருசித்தால் இலவசமாய் வியாதிகள் வர வாய்ப்பிருக்கலாம்.

#பூண்டிதேசம் 

#காந்திபுரம் #தள்ளுவண்டி #அவித்தகடலை

இன்னும் கொஞ்சம்...

தமிழன் vs வடக்கன் சோதனைகள்

 நம்ம பெயிண்டர்களாம் வடக்கனுங்க தான்.கோவிட்ல என்னோட மெயின் மேஸ்திரி என் கூடவே 20 வருசம் ட்ராவல் பண்ணவன் இறந்துட்டான்.அவன் போனது மிகப்பெரிய இழப்பு எங்களுக்கு.

ரெண்டு மூணு டீம் வச்சி இருந்தாலும் எப்பவும் அவன் தான் செய்வான்.கோவிட் முடிஞ்சு இப்ப ஒரு ஆறு மாசமாத் தான்  வேலைகளே வந்துட்டு இருக்கு.

அவன் இல்லாம வேற டீமை வச்சி வேலை செஞ்சிட்டு இருக்கோம். இப்ப சமீபத்துல ஒரு வேலை.நம்மாளுங்க பொங்கலுக்கு போனவங்க வரல.

அதனால தமிழ் பெயிண்டர்களை வச்சி வேலை வாங்குனேன்.ரொம்ப மெதுவா வேலை நடக்குது.ஆனாலும் வாரா வாரம் சனிக்கிழமை ஆனா பணத்தை கொடுத்திருவேன்.மூணு வாரம் நல்லாதான் போச்சு.

நம்ம கிளையன்ட் திடீர்னு வெளியூர் போய்ட்டாரு.அதனால பணம் கிடைக்கல.

நானும் அங்க இங்கன்னு புரட்டி கொடுத்துட்டேன்.கொஞ்சம் பாக்கி வச்சேன்.

இந்த வாரம் அமெளண்ட் வந்திடும் தரேன்னு சொன்னேன்.சரின்னு போனவங்க திங்கள் கிழமை வரல.ஏன்னு கேட்டா நீங்க பணம் தரலன்னு வரல அப்படிங்குறான்.இத்தனைக்கும் ரேட் பேசி விட்டிருந்தேன்.அட்வான்ஸ் வந்ததும் தரேன்னு சொல்லி, அதுக்கு ஒத்துகிட்டு தான் வேலையை ஆரம்பிச்சான். வெள்ளி, சனி இரண்டு நாள்தான் செஞ்சானுங்க.ஞா.தி.செ மூணு நாளும் வரல..செம கடுப்பு. போனைப் போட்டு பயங்கரமா திட்டிட்டு ஏன் ஹிந்தி காரன் இங்க நல்லா பொழைக்குறான்னு தெரியுதா ன்னு சொல்லிட்டு இனி சைட் பக்கம் வந்திராத.உன் அமெளண்ட் ஜிபே பண்ணிடறேன்னு சொல்லிட்டேன்.

மீண்டும் வேலைக்கு வச்சா ஓபனிங் டேட் டுக்கு முன்னாடி ஓடினாலும் ஓடிடுவானுங்க.இது வரைக்கும் நாம கட்டிக் காத்து வந்த பேரை கெடுத்திருவானுங்க..கிளையன்ட் கிட்ட சொல்லிட்டேன் வேற டீம் இறக்குறேனுட்டு..

அவரே எங்க உங்க ஹிந்தி ஆளுங்கன்னு  கேட்க, வேற சைட்ல இருக்காங்க வந்திருவாங்க ன்னு சொல்லி மத்த வேலையை பார்த்துகிட்டு இருக்கோம்.

இந்த லட்சணத்துல வடக்கனுங்க வர்றானுங்க, தமிழனுக்கு வேலை இல்லைன்னு புலம்புறது.

10 மணிக்கு வர்றது 11 .30 க்கு டீ.கொஞ்ச நேரம் டைம்பாஸ்.

அப்புறம் 1.30 டூ 2.30 லஞ்ச் 4 மணிக்கு டீ டைம்பாஸ் அப்புறம் 5.30 எடுத்து வைக்குறேன்னு சொல்லி்ட்டு 6 மணிக்கு ரெடியாகுறது. அட்வான்ஸ் தலைக்கு 500 ரூ வாங்கிட்டு போறது. ஏரியா கவர் ஆகி இருக்குமானு பார்த்தா அதுவும் ஆகி இருக்காது.4 பேர் வேலை செஞ்சா 4000/ அட்லீஸ்ட் 1500 sft ஆவது பட்டி பார்த்திருக்கனும்..பண்ணி இருக்க மாட்டானுங்க..தினக் கூலிக்கு விட்டா நம்மளை தெருவுக்கு கொண்டு வந்திருவானுங்க.

இத்தனை வருச சர்வீஸ்ல தமிழனை வேலைக்கு வச்சு இரண்டு நாள்லயே நிப்பாட்டுனது இது தான் முதல் தடவை.

தமிழனுக்கு தமிழன்தான் எதிரின்னு சொல்லிட்டு வராதீங்க.

போங்கடா போய் டாஸ்மாக்ல விழுங்க..

#வடக்கன்ஸ்

நேசங்களுடன்

ஜீவானந்தம்

இன்னும் கொஞ்சம்...

வட்டி அனுபவங்கள்

 இனி நாமளும் பைனான்ஸ் ஆரம்பிச்சிட வேண்டியது தான். நம்ம நண்பருக்காக கடன் கேட்டிருந்தேன்.

ஏதோ ஒரு அர்ஜென்ட் என்று சொன்னதால்.

நம்ம கிட்ட இல்லாததால் இன்னொரு நண்பர் மூலம் செல்வபுரத்தில் ஒருத்தரை பிடித்தேன்.

ரூல்ஸ் பார்க்கணுமே.

50000 க்கு 40000 தருவார்கள். ஒரு மாதம் டைம்.திருப்பி 50K தந்து விட வேண்டும்.தராத ஒவ்வொரு நாளுக்கும் 1000 பெனால்டி..பின் பிணயமாக வண்டி ஆர்சி புக் தர வேண்டும்.வண்டியையும் நிறுத்தி விட்டு செல்ல வேண்டும்.

இதை கேட்டவுடன் நாமளும் ஆரம்பிக்க வேண்டும் என எண்ணத் தோன்றுகிறது.காலையில் 900 / 9000 கொடுத்து மாலையில் 1000 / 10000 ஆக தரக்கூடியவர்களும் இருக்கிறார்கள்.

செல்வபுரம் பகுதி, காந்திபுரம் பகுதிகளில் மெயின் பிஸினஸ் இதான்.எந்த மதம் வட்டி ஹராம் என சொல்லி இருக்கிறதோ அவர்கள் தான் இத்தொழிலில் அதிகம் இருக்கின்றனர்.நாள்வட்டி, வார வட்டி, மாதவட்டி, 

கந்து வட்டி, மீட்டர், ராக்கெட் என எல்லாமும் இருக்கிறது.

கடைசியாய் ஒருவரிடம் கேட்ட போது பிட்டிங் வேண்டுமானால்  வைக்கலாம். உங்கள் வண்டியை தந்துவிட்டு 20000  வாங்கிச் செல்லுங்கள் என சொல்ல, அதற்கு நான் சொன்னது " பாஸ்..வெயிட் பண்ணுங்க...நீங்க பார்ட்டி மட்டும் புடிங்க.

நான் தர்றேன் பைனான்ஸ்னு சொல்லிவிட்டு வந்து விட்டோம்.வெறும் 20000 க்கு ராயல் என்பீல்ட் புல்லட்ஐ பிட்டிங் கேட்க, அப்பொழுது தான்  உதித்தது முதல்வரி...

#கந்துவட்டி #மீட்டர்வட்டி #பணம்

நேசங்களுடன்

ஜீவானந்தம்

இன்னும் கொஞ்சம்...

காதலர்களுக்கு ஏற்ற இடங்கள் - கோயம்புத்தூர்

 கோவையில் காதலர்கள் சந்தித்து தங்கள் அன்பை பரிமாறிக்கொள்ள சிறந்த இடங்கள்

கோவிலுக்கு போற எண்ணம் இருப்பின்

மருதமலை

பேரூர்

அனுவாவி சுப்ரமணியர் கோவில்

பொன்னூத்தம்மன் கோவில்

சாய்பாபா கோவில்

ஈச்சனாரி கோவில்

தியானலிங்கம் ஈஷா

தென்திருப்பதி பாலாஜி கோவில்

காருண்யா தேவாலயம்

குமரகோட்டம் சூலூர்

பத்ரகாளி அம்மன் கோவில் மே.பாளையம்.

ஷாப்பிங்கோட படம் பார்க்கனும்னா 

ப்ரூக் பீல்ட்ஸ் மால்

Prozone மால்

பன் மால்.

கார்னர் சீட் வேணுங்கிறவங்களுக்கு 

 கற்பகம் காம்ப்ளக்ஸ்

கேஜி தியேட்டர்

பாபா காம்ப்ளக்ஸ்

அம்பாள் காம்ப்ளெக்ஸ்..

காத்தோட்டமா கடலை  போடறவங்களுக்கு 

உக்கடம் லேக்

ஆர்எஸ்புரம் லேக்

சுங்கம் லேக்

சூலூர் லேக்

வ.உ.சி பார்க்.

பாரதி பார்க்

காந்திபூங்கா

ரேஸ்கோர்ஸ்

பொட்டானிக்கல் கார்டன்

ப்ரைவசியா போகனும்கிறவங்களுக்கு

இருக்கவே இருக்கு நம்ம OYO

முக்கிய குறிப்பு : கலாச்சார காவலர்கிட்ட மாட்டிக்காதீங்க... வயிற்றெரிச்சல்ல சுத்திகிட்டு இருப்பானுங்க..ஜெய் காளின்னுட்டு...

#காதலர் தின ஸ்பெஷல்

இன்னும் கொஞ்சம்...