ஸ்ரீ பத்ரகாளியம்மன் கோவில் , மேட்டுப்பாளையம்.

ஸ்ரீ பத்ரகாளியம்மன்  கோவில் , மேட்டுப்பாளையம்.

கோவை மாவட்டத்துல மேட்டுப்பாளையத்தில் இருக்கிற ஒரு சக்தி வாய்ந்த அம்மன் கோவில் இது.ஊட்டி செல்லும் வழியில் மே.பா. பேருந்து நிலையம் ஒட்டி இடது ஓரமாக கோவிலுக்கு சாலை செல்கிறது.ஒன்பது கிலோமீட்டர் தொலைவில் இக்கோவில் இருக்கிறது.

பவானி நதி ஓரமாக இக்கோவில் அமைந்து உள்ளது.

நம்ம கம்பெனி வளர்ச்சிக்காக வருடா வருடம் இக்கோவிலுக்கு கிடா வெட்டுவோம்.இந்த முறையும் ஞாயிறு அன்னிக்கு கிடா, சமையல் பொருள்களுடன் கோவிலில் ஆஜராகி விட்டோம்.கோவிலில் சாமி கும்பிட்டு விட்டு கிடா வெட்டி கொண்டு புக் பண்ணி இருந்த ஹாலுக்கு சென்று சமையலை ஆரம்பித்தோம்.

மட்டன் வறுவல், சிக்கன் வறுவல், சாப்பாடு, ரசம் என அசத்தி விட்டாங்க.
இடையிடையே தலைக்கறி,  குடல், வறுவல் என அங்க அங்க செல்லும்.
எல்லாம் முடிந்த பின் வந்து சாப்பிட்டு விட்டு அனைவரும் கிளம்பி விடுவோம்.

ஒரு சின்ன பிக்னிக் மாதிரி ரொம்ப அருமையாக இருக்கும்.அப்படியே அம்மனை வேண்டியது போல இருக்கும்.இங்க பவானி ஆறு இருக்கிறதால் குளிக்க நல்ல இதமாக இருக்கும்.அப்புறம் புதிதாக போறவங்க, ஆத்துக்கு குளிக்க போறவங்க தக்க துணையுடன் போவது நல்லது.ஆற்றில் பாறைகள், சுழல்கள் இருக்கின்றன.கவனத்துடன் குளிக்க வேண்டியது அவசியம்.

நிறைய  தோப்புகள் இருக்கின்றன.இங்கும் இடவசதியுடன் சமைத்து சாப்பிட இடம் கிடைக்கும்.நம்மள மாதிரி குடிமகன்களுக்கு ஏற்ற இடம்.

எப்போதும் ஞாயிற்றுக்கிழமைகளில் இங்கு கூட்டம் அலை மோதும். அனைத்து ஹால்களும் புக் ஆகி இருக்கும். கிட்ட தட்ட ஆடு, கோழி பலி இடுபவர்களின் எண்ணிக்கை தான் அதிகமாக இருக்கும்.

கண்டிப்பாக அனைவரும் செல்லவேண்டிய கோவில் இது.இயற்கையை விரும்புகிறவர்கள் செல்லலாம்.ஒரு நாள் நல்ல கறி சோறு ஆக்கி குடும்பத்தோட, நண்பர்களோட தின்னுட்டு வரணுமா கண்டிப்பா போகலாம்..

நேசங்களுடன்
ஜீவானந்தம் 

இன்னும் கொஞ்சம்...

கிராமத்து அனுபவம் - திருமுக்கூடலூர்- கரூர்

கிராமத்து  அனுபவம் 

பள்ளி விடுமுறை விட்டாச்சு..ஊரிலிருந்து அழைப்பு அதனால நாங்கலாம் சொந்த ஊருக்குப் போனோம்.நம்ம ஊர் ஒரு கிராமமுங்க.அங்க போக எங்க எல்லாருக்குமே ரொம்ப பிடிக்கும்.இயற்கை, நல்ல காற்று, சுற்றுப்புற அமைதி, நெரிசல் இல்லா பயணம், என ரொம்ப பிடிக்கும்.கிராமத்து வீட்டுல இருக்கிற சுகமே தனிங்க.அதுவும் அம்மா கைல வேற சாப்பாடு...நேரத்துக்கு நேரம் மறக்காம ...

அதில்லாமல் நம்ம ஊருல இரண்டு ஆறு வேற ஓடிட்டு இருக்கு.சிறுவயசில போய் குளித்தது, மீன் பிடித்தது என ஒரே ஞாபகம்.

இப்போ ஆத்துல தண்ணீர் வரத்து கொஞ்சம் கம்மியா இருக்கிறதால் மீன் பிடிக்கலாம்னு நம்ம நண்பர்கள் கூட ஆத்துக்கு போனோம்.கூடவே வலை, கத்தி, பை எல்லாம். நம்ம மாப்ள செடிகளுக்குள், ஆத்து குட்டைக்குள் கை வச்சி மீன் பிடிக்கிறதுல கில்லாடி.

உடைகளை கழட்டி எல்லாம் மேட்டுல வச்சிட்டு தண்ணிக்குள்ள இறங்கினோம்.வலையை சுத்தி கட்டி விட்டு செடிகளுக்குள் மீன் தேட, மாப்ள அவரு பாட்டுக்கு மீன் கைல பிடிச்சி வெளிய போடுறாரு, நாங்க செடிகளை அலச உள்ளே இருந்த மீன்கள் பதறி அடிச்சு வலையில் வந்து மாட்ட கிட்ட தட்ட 5 கிலோ பக்கம் மீன் பிடிச்சோம்.

 

கெண்டை, உளுவை, ஜிலேபி, ஆரான், கொக்கு மீன் என நிறைய வகைகள்.நாங்க பிடிச்ச மீன்கள் நிறைய முட்டைகளோட செனையா இருந்துச்சு.மீன் கழுவும் போது இந்த மீன் செனையை மட்டும் தனியா எடுத்து வச்சி கிட்டோம்.மீன் முட்டை பொரியல் ரொம்ப டேஸ்டா இருக்கும் தெரியுமா.

(பெரிய வெங்காயம் நல்லா வதக்கி கொஞ்சம் மஞ்சள் தூள், வர மிளகாய் போட்டு வதக்கி, பின்னர் மீன் முட்டைகளை போட்டு வதக்கி, தேங்காய் துருவல் போட்டு வதக்கி, கொஞ்சம் உப்பு போட்டு இறக்கினால் பொரியல் ரெடி..) ஹி ஹி ஹி ..சமையலும் செய்வோம்ல...

அப்புறம் எல்லா மீன்களையும் அலசி எடுத்து கிட்டு அப்படியே ஒரு குளியலை போட்டு கிட்டு வீடு வந்து சேர்ந்தோம்.

 இங்க பாருங்க.. கொக்கு மீன் எப்படி இருக்கு பாருங்க...பாய ரெடியா...

ஆத்துல இருக்குற போது அடிக்கிற வெய்யிலில் நம்ம உடம்பு அப்படியே கருப்பா ஆயிடும்.அதில்லாமல் உடம்புல மீன் கவுச்சி அடிக்கும் பாருங்க.யாரையும் பக்கத்துல வர விடாதுங்க..அவ்ளோ நாத்தம் அடிக்கும்.இதுக்காக ரெண்டு எக்ஸ்ட்ரா ஷாம்பு போட்டு குளிக்கணும்.வீட்டுக்கு வந்தவுடன் மீன்லாம் நல்லா கழுவி மசாலா பொடி போட்டு நல்லா குலுக்கி அதை கொஞ்ச நேரம் வெயிலில் உலாத்தி எண்ணையில் பொரிச்சு சாப்பிட்டா ....அடடா...என்னா டேஸ்ட்...

இதுக்காகவே இந்த மீன் கவுச்சி, நாத்தம் இதெல்லாம் பொறுத்துக்கொள்ளலாம்.ஆத்துக்குள்ள ஓடுற தண்ணில, பிடிச்ச மீனுகளோட, அப்புறம் வலைகளை இழுத்து கிட்டு கால்கள் மண்ணுக்குள் புதைய புதைய  ஆதிவாசி மாதிரி நடந்து வேணுங்கிற அளவுக்கு மீன் பிடிச்சி, அப்புறம் அதை நாமளே கிளிஞ்சல் மூலம் செதில், செவுள், குடல் எல்லாம் எடுத்து, கழுவி சுத்தம் பண்ணி மசாலா தடவி எண்ணையில் பொரிச்சு சாப்பிடுகிற இந்த அனுபவம் காசு கொடுத்து மீன் வாங்கி சாப்பிடுவதில் சத்தியமா இல்லைங்க..

கிசுகிசு: மீன் சாப்பிட முடியலையேன்னு வருத்த படாதீங்க மக்களே (தேங்க்ஸ் கேப்டன்)...சாரி பதிவர்களே..கண்டிப்பா நம்ம ஊர் பக்கம் வந்தீங்கன்னா நல்லா கவனிக்கிறோம் ..


எங்க  ஊர் பத்தின பதிவுங்க...பிரபலமான திருமுக்கூடலூர் கோவில்

அப்புறம்      மூன்று ஆறுகளின் சங்கமம் -- திருமுக்கூடலூர்

இன்னும்   - கிராமத்து நினைவுகள்

நேசங்களுடன்
ஜீவானந்தம் 

இன்னும் கொஞ்சம்...

மீன் குளத்தி பகவதி அம்மன் - பல்லசேனா - கேரளா

மீன்  குளத்தி பகவதி அம்மன் - பல்லசேனா - கேரளா 

   அருள் மிகு மாசாணி அம்மனை தரிசித்து விட்டு அடுத்து மீன் குளத்தி பகவதி அம்மன் போலாம்னு முடிவு பண்ணி வண்டியை திருப்பினோம்.

ஆனைமலை ரோட்டில் இருந்து வேட்டைக்காரன்புதூர் செல்லும் வழியில் சென்று ஓடையங்குளம் வழியாய் கேரளா செல்லும் வழியான செம்மனாம்பதி எனும் ஊர் நோக்கி சென்றோம்.செல்லும் வழியில் எங்கு நோக்கிலும் மாமரங்கள்.காய் கனிகளுடன் நிறைய மாமர தோப்புகள்.எல்லாம் கலப்பின வகை மாமரங்கள்.செடி போன்று தான் மரமே இருக்கிறது ஆனால் அதிக காய்களுடன் இருக்கிறது.அப்புறம் செல்லும் ரோடு இருபுறமும் பசுமையுடன் இருக்கிறது.

     இங்கு தான் கேரள செக் போஸ்ட் நம்மை வரவேற்கிறது இந்த ஊரில் இருந்து தான் மலையாள வாடை ஆரம்பிக்கிறது.இங்கிருந்து கொஞ்ச தூரம் சென்றவுடன் கம்பரதசல்லா எனும் ஊர் வந்தவுடன் அடுத்து கொல்லங்கோடு என்ற ஊர் வருகிறது.அதில் இருந்து ஒரு 15 கிலோ மீட்டருக்குள் பல்லசேனா என்ற ஊர் வருகிறது.இங்கு தான் மீன் குளத்தி பகவதி அம்மன் கோவில் இருக்கிறது.குளத்தில் எழுந்தருளி யதால் இந்த அம்மனுக்கு மீன் குளத்தி பகவதி அம்மன் என்று பெயர்.குளமும் கோவிலும் அருகருகே இருக்கின்றன.

கேரளாவில் எந்த கோவிலுக்கு போனாலும் பேண்ட், சர்ட் போட்டு உள்ளே போக கூடாது.வேட்டி கட்டிக்கொண்டு மேல் சட்டை இல்லாமல் உள்ளே நுழைய வேண்டும்.இதற்காவே நிறைய கடைகள் இருக்கின்றன.தெரியாமல் வரும் பக்தர்கள் வாங்க வேண்டிய சூழலுக்கு தள்ளப்படுகின்றனர்.நல்ல வியாபாரம் தான்.

நம்ம வண்டியில் எப்போதும் ஒரு வேட்டி இருக்கும் அதனால் தப்பிச்சேன்.நம்ம டிரைவர் தான் மாட்டிகிட்டாரு.காவி வேட்டிக்கும்  துண்டுக்கும் மொய் வச்சாரு.கோவிலின் உள்ளே மிகவும் பய பக்தியுடன் நுழைந்தோம்.வீடு போன்ற அமைப்பில் தான் கோவில் இருக்கிறது.மிகுந்த வேலை பாட்டுடன் இருக்கிறது.கேரளாவின் பாரம்பரிய முறையில் இக்கோயில் இருக்கிறது.

வரிசையாய் உள்ளே நுழைந்தோம்.ஆண்கள் அனைவரும் வெறும் மேலுடன் தான் இருப்பதால் வரிசையில் செல்லும்போது ஒரு வித வியர்வை நாற்றம் ஏற்படுவது சகிக்க முடியாத படி இருக்கிறது.

    அம்மனை வரிசையில் செல்லும் போதே தரிசிக்க முடிகிறது.முன் செல்லும் பக்தர்கள் மெதுவாக நகர்வதால் நாம் அம்மனை நீண்ட நேரம் தரிசிக்க முடிகிறது.மிகவும் சக்தி வாய்ந்த அம்மனை தரிசித்து விட்டு வெளியில் வந்தோம்.பிரசாதமாக குங்குமமும், அர்ச்சித்த மலரும் சந்தனமும் வழங்குகின்றனர்.

          கடுமதுரம் எனும் பாயசம் வழங்கப்படுகிறது.இது வேணுமின்னா  பாத்திரம் கொண்டு போகணும்.இல்லைனா கடைகளில் பிளாஸ்டிக் டப்பா இருக்கு  அதை கொடுத்து வாங்கலாம் 

ஆனைமலையில் இருந்து அதிக பட்சமாக 45 கிலோ மீட்டர் தான் இருக்கும்.ஒரு மணி நேர பயணம் கூட இருக்காது.மேலும் கோவிலில் இருந்து பாலக்காடு வழியாக கோவை  வரும் போது 75 கிலோ மீட்டர் ஆகியது.

    அனைவரும் கண்டிப்பாய்  போக வேண்டிய கோவில் இது.பில்லி சூன்யம் பாதிப்புகள் அகல, குறைகள் தீர்ந்திட மீன் குளத்தி பகவதி அம்மனை வணங்கினால் போதும்.இன்னொரு மீனாட்சியம்மன் என்றும் சொல்லுவர்.

நேசங்களுடன் 

ஜீவானந்தம்

இன்னும் கொஞ்சம்...

அருள் மிகு மாசாணி அம்மன் - ஆனைமலை, பொள்ளாச்சி

அருள் மிகு மாசாணி அம்மன்

பொள்ளாச்சியில் உள்ள ஆனைமலையில் இந்த மாசாணி அம்மன் கோவில் இருக்கிறது.நேற்று இந்த கோவிலுக்கு அம்மனை தரிசிக்க சென்றேன்.

கோவையில் இருந்து பொள்ளாச்சி பின்னர் ஆனைமலை.இவ்வூர் செல்லும் வழி எங்கும் பசுமை..பசுமை..பசுமை..பசுமை தவிர வேறு எதுவும் இல்லை.இரண்டு பக்கமும் நிறைய புளிய மரங்கள் ரொம்ப அடர்த்தியாய்..இரு மருங்கிலும் நிறைய தென்னை மரங்கள்.வயல் வெளிகள் என எங்கும் பசுமை.

கோவிலை அடைந்தோம்.அம்மன் கோவில் என்பதினாலோ ஏகப்பட்ட அம்மணிகள் கூட்டம்.(இதெல்லாம் இப்போ ரொம்ப முக்கியமா..?).கோவிலின் பெரிய ஆர்ச் ஒன்று நம்மை வரவேற்கிறது.கோவில் செல்லும் வழி மெயின் ரோட்டில் இருந்தே கடை கண்ணிகளுடன் தொடங்குகிறது.இரண்டு பக்கமும் கடைகள் ....அம்மன் படங்கள், குங்குமம், மஞ்சள், மலர் மாலை, பொரி கடலை, கம்பங் கூழ், ஜூஸ் கடை என நிறைய.....

தென்னை மரங்கள் நிறைந்த தோப்பில் காரினை நிறுத்தி விட்டு (காட்டுக்குள்ள வண்டி நிறுத்த 30 ரூபாய் ) வந்தோம்.கோவிலின் கீழ் பகுதியில் ஒரு கிளை ஆறு...ஆழியாற்றிலிருந்து பிரிந்து வரும் உப்பாறு,இந்த ஆற்றில் இறங்கி கை கால் கழுவி கொண்டு மேலேறினோம்.இந்த ஆற்றில் நீராடினால் நம் பாவங்கள் நீரில் விழுந்த உப்பாய் கரைந்து போகுமாம்.

இந்த கரை ஓரமாய் ஒரு விநாயகர் வீற்று இருக்கிறார்.உள்ளே வன்னி மரம், நாகலிங்க மரம் போன்ற மரங்களுக்கு அடியில் தெய்வங்கள் வீற்று இருக்கின்றன.குழந்தை பாக்கியம் வேண்டுபவர்கள் குடும்பத்துடன் வந்து தொட்டில் கட்டி கொண்டு இருந்தனர். நாமும் உள்ளே சென்று ஒரு கும்பிடு போட்டு விட்டு அம்மனை தரிசிக்க ஆலயம் நுழைந்தோம்..

பெரிய மண்டபம்..உள்ளே பக்தர்கள் செல்ல நீண்ட வரிசை.வி ஐ பி களுக்கு என்று தனி வரிசை இருக்கிறது.நாம அப்படி ஒண்ணும் பெரிய அபாடக்கர் இல்லையே ..ஹி ஹி ஹி... வளைந்து வளைந்து செல்லும் வரிசையில் (ஒரு பத்து அடிதான் இருக்கும்.இருந்தாலும் வளைந்து நீண்டு செல்வதால் ரொம்ப தூரம் செல்வது போல் உணர்வு) நாமும் ஐக்கியமானோம். அம்மன் வேறெங்கும் காண முடியாத நிலையில் மயான தேவதையாக படுத்து இருக்கிறாள்.

மஞ்சள் சிகப்பு புடவையில் மிகவும் அலங்காரமாய் காட்சி அளிக்கிறாள்.மிகவும் நிதானமாய் அம்மனை தரிசித்து விட்டு குங்குமம் திருநீறு வாங்கிகொண்டு அம்மனை நினைத்த படி வெளி பிரகாரம் வந்தோம்.மேலும் உள்ளே உள்ள தெய்வங்களை வணங்கி விட்டு பிரகாரத்தில் அமர்ந்தோம்.

உட்கார்ந்த இடம் எதிரே பிரசாத கடை.சர்க்கரை பொங்கலும் புளியோதரையும் வாங்கி அமர்ந்தோம்.(சிறிய தொன்னை..அளவும் ரொம்ப குறைவு ஆனால் விலையோ பத்து ரூபாய்).

அப்புறம் நீதிக்கல் என்கிற தெய்வம் இருக்கிறது.பக்தர்கள் தங்களுக்கு தீங்கு செய்தவர்களை தண்டிக்க இங்குள்ள ஆட்டு உரலில் மிளகாய் அரைத்து நீதிக்கல்லில் பூசி அம்மனிடம் வேண்டுதல் செய்தால் அம்மன் அவர்களை தண்டிப்பாள் என்பது நிச்சயமான உண்மை.

பெண்களின் உடல், மனம் சம்பந்தப்பட்ட அனைத்து பிரச்சினைகளையும் அம்மன் நிறைவேற்றுவாள் என்பது அசைக்க முடியாத உண்மை.

இங்கு செவ்வாய், வெள்ளி, மாத அமாவாசை, மற்றும் முக்கிய தினங்களில் சிறப்பு பூஜை நடைபெறுகிறது.

கண்டிப்பாய் அனைத்து பெண்களும் செல்ல வேண்டிய கோவில்.வணங்க வேண்டிய தெய்வம் மிகவும் சக்தி வாய்ந்த அருள்மிகு மாசாணி அம்மன்.

 ஓம் சக்தி.....மாசாணி சக்தி.

பொள்ளாச்சி யில் இருந்து சேத்துமடை செல்லும் வழியில் ஆனை மலை இருக்கிறது. இருபது கிலோமீட்டர் இருக்கும்.

கிசுகிசு : உள்ளே போட்டோ எடுக்க அனுமதி இல்லை. அப்புறம் டாப் சிலிப் என்ற சுற்றுலா தளம் இங்கே இருந்து 20 கிலோ மீட்டர் தான்.அங்கே சென்றால் யானை சவாரி செய்யலாம்.

இந்த  அம்மன் தரிசனம் முடித்து விட்டு அங்கே இருந்து மீன் குளத்தி அம்மன் கோவில் சென்றோம்.அது அடுத்த பதிவில்....

நேசங்களுடன் 

ஜீவானந்தம் 

இன்னும் கொஞ்சம்...

பெங்களூர் ஓர் பார்வை

பெங்களூர் ஓர் பார்வை

போன வாரம் நண்பரின் குடும்ப விழாவிற்கு சென்றேன்.அவர் பெங்களூர் ஆதலால் இரண்டு நாள் முன்கூட்டியே வர சொல்லி விட்டார்.எனக்கும் ரொம்ப நாளா ஆசை..இந்த பெங்களூர்ல இருக்கிற .ரொம்ப அழகான பொண்ணுங்களை பார்க்கலாம்னு.அப்புறம் பப் வேற இருக்கு.நமக்கு சொல்லவா வேணும்..

எப்படியோ கர்நாடக மண்ணை மிதித்து விட்டேன்...காலை எட்டு மணிக்கே சரக்கு கடை திறந்து விடுவாங்க போல...நம்ம கடை ஓபனா இருக்கு.சரி..காலையிலேயே நம்ம கச்சேரி வேணாம் அப்படின்னு ஒருவழியா மனதை தேத்திக்கிட்டு அழகிய பெண்களின் சங்கமம் ஆன பெங்களூர் நுழைந்தேன்.

காரிலேயே சென்றதால் கொஞ்சம் டயர்ட் வேற..ஒரு கடையில் நின்னு ரிலாக்ஸ் பண்ணலாம்ன்னு இறங்கினேன்..நம்ம டிரைவர் இங்க பிசிபேளாபாத் அப்புறம்  செட் தோசை நல்லா இருக்கும் அப்படின்னு சொல்லி நம்ம பசி ஆர்வத்தை தூண்டி விட்டார்.நாங்க போன இடம் பண்ணார் கட்டா என்பதால் அங்க இருந்த ஒரு ஹோட்டலுக்கு (சின்ன) சென்றோம்.உட்கார்ந்து சாப்பிடும் படியான ஹோட்டல் இல்லை.நின்று கொண்டே சாப்பிட மாதிரி தான்  உயரமான டேபிள் வைத்து இருக்கின்றனர்.(பெங்களூர்ல இருக்கிற நிறைய ஹோட்டல் இந்த மாதிரி தான் இருக்கிறது)

 

செட் தோசை ஆர்டர் பண்ணினேன்.இரண்டு தோசை.ஊத்தப்பம் போல இருக்கிறது.சட்னி, சாம்பார் இதற்கு ஒட்டவே இல்லை.ஆயினும் அங்கு உள்ளவர்கள் இதை விரும்பி சாப்பிடுகின்றனர். அப்புறம் பிசிபேலாபாத்....அட...நம்ம ஊரு சாம்பார் சாதமுங்க....இது நல்லா இருக்குங்க...மிக்சர் லாம் போட்டு தர்றாங்க.அப்படி ஒண்ணும் இந்த ஹோட்டல் சொல்லி கொள்கிற மாதிரி இல்லைங்க...பசிக்கு சாப்பிட்டோம்..

அவ்ளோதான்.அப்புறம் நண்பர் வீட்டு கல்யாணத்துல ஏகப்பட்ட குஜிலிங்க..மாப்பிளையும் பொண்ணும் சாப்ட் வேர் கம்பனி போல...ஏகப்பட்ட அம்மணிகள்..ஆனா ஒண்ணு..வந்த அனைத்து அம்மணிகளும் நல்லா தலையை விரிச்சு போட்டுக்கிட்டு ரொம்ப ஸ்டைலா தான் வந்தாங்க.

அப்புறம் கல்யாண வீட்டு பந்தியில ஒரு புதுவித உணவு பார்த்தேன்.நம்ம ஊர் சேவை மாதிரி ரொம்ப சன்னமா மொறு மொறுன்னு வட்டமா முறுக்கு போல கொண்டு வந்து வச்சாங்க.அதுக்கு மேல ஒரு போடி போட்டாங்க.அப்புறம் லட்டு வச்சாங்க.அப்புறம் பாதாம் பால் ஊத்தினாங்க.நமக்கு என்னன்னு தெரியல.பக்கத்து இலை  காரரை கேட்கலாம்னு பார்த்தேன்.அவரு ரொம்ப பிஸியா லட்டை பிச்சு பூந்தி யாக்கி அதுல போட்டு அதை அப்படியே ஒரு மடி மடிச்சு அப்படியே வாய்க்குள்ள தள்ளினாரு.ஓஹோ...இப்படிதான் சாப்பிடனுமா ..அப்படின்னு நினைச்சு அதே மாதிரியே நானும்...ரொம்ப நல்லா இருக்குங்க..அதுக்கு பேரு என்னன்னு நம்ம நண்பரை கேட்டேன்.பாதாம் பூரி அப்படின்னு சொன்னார்.புது வித உணவை சுவைத்த அனுபவம்..

அப்புறம் ஒரு பப் போனேன்..பகல்ல தான். அடிச்ச வெய்யிலுக்கு ஜில்லுன்னு ஒரு பீர் சாப்பிட்டோம்.அங்க ஒரு பீர் மெசின் இருந்துச்சு அலாவுதீன் விளக்கு மாதிரி இருக்கு அமுத்துனா பீர் வருது.கிட்ட தட்ட 300 லிட்டர் பிடிக்குமாம்.ஒரே ஒரே பிராண்ட் மட்டும் தான் யூஸ் பண்றாங்க.முடிஞ்ச வரைக்கும் குடித்து விட்டு வெளியில் வந்தோம்.இரவு நேரத்தில் சென்று இருந்தால், நல்ல ஆட்டம் பாட்டமுமாக  ..இன்னும் நன்றாக இருந்து இருக்கும்.

அப்புறம் பெங்களூர் எங்கும் கான்க்ரீட் கட்டிடமாக வே இருக்கிறது.மிகபெரிய கட்டிடங்கள் , பாலங்கள், மால் என எங்கும், கான்க்ரீட் மயம்தான்.எவ்வளவு தான் வறட்சியாக இருந்தாலும் பெண்களால் இது குளுகுளு அடைகிறது. அது போலவே ஏகப்பட்ட ட்ராபிக்.

 

பெங்களூர் விட்டு பிரிய மனமில்லை.நல்லா என்ஜாய் பண்ணனும், காசை பத்தி கவலை படாமல் என்ஜாய் பண்ணனும் என்பவர்களுக்கு இது சொர்க்கம்.இரண்டு நாளில் ஒரு ஏரியா மட்டுமே எனது பார்வையில் இந்த அளவுக்கு எனில் முழு பெங்களூர் இன்னும் எப்படி இருக்கும்...ம்கூம்...என்ன பண்றது....

ஆயினும் இரண்டு நாள் இருந்த சந்தோசம் ரொம்ப அருமை.

கிசுகிசு: காரில் செல்வதினால் அதிகம் போட்டோ எடுக்க முடிவதில்லை.ஒவ்வொரு தடவையும் நிறுத்தி ...நிறுத்தி...யப்பா முடியல.. 

பெங்களூர் ஜூ - பென்னார் கட்டா பயாலாஜிக்கல் பார்க்

நேசங்களுடன்  

ஜீவானந்தம் 

இன்னும் கொஞ்சம்...