கோவை மெஸ் - மண்பானை உணவகம், சாலைப்புதூர், வத்தலகுண்டு

ஒரு மத்தியான வேளை திண்டுக்கல்லில் இருந்து கொடைக்கானல் போயிட்டு இருக்கும் போது பசி எடுக்கவே நம்ம நண்பரிடம் கேட்க அவர் கொஞ்சம் வெயிட் பண்ணு, ஒரு நல்ல ஹோட்டலைக் காட்டறேன் என்று சொல்லியபடியே வத்தலகுண்டு ரோட்டில் சாலைப்புதூர் என்கிற ஊர் வந்தவுடன் நம்ம சிங்கத்தினை ஓரம் கட்ட சொல்ல இறங்கின இடம் மண்பானை சமையல் ஹோட்டல்.அந்த ஊரில் இன்னும் சில ஹோட்டல்கள் இருந்தாலும் இங்குதான் நன்றாக இருக்கும் என்று அழைத்துச் சென்றார்.அண்ணாத்துரை என்பவர் தான் முதலில் இந்த வகை சமையலை ஆரம்பித்து இருக்கிறார்.வியாபாரம் பிச்சிக்கவே அந்த ஏரியாவில் நிறைய மண்பானை சமையல் செய்து தரும் ஹோட்டல்கள் முளைத்து விட்டிருக்கின்றன.ஆனால் சுவை இங்குதான் நன்றாக இருக்கும் என்று கேட்டபடியே உள் நுழைந்தோம்.

சிறு குடிசை போல் தான் இருக்கிறது.ஆனால் ஆஸ்பெஸ்டால் சீட் போட்டு இருக்கிறார்கள்.இடது புறம் சமையல் கட்டில் விறகு அடுப்பில் ஒரு மண்பானையில் சாதமோ குழம்போ வெந்து கொண்டிருந்தது.எந்த ஒரு அலங்காரமும் இல்லாமல் கிராமத்து பாணியில் இருக்கிறது ஹோட்டல்.

அமர்ந்தவுடன் இலை போட்டு தண்ணீர் தெளித்துவிட்டு என்ன இருக்குண்ணே...என்று கேட்க, சாதம், மட்டன் குழம்பு, சிக்கன் வருவல், முட்டை என சொல்ல, ( ரொம்ப நேரம் ஆனதால் ஆட்டோட மத்த பார்ட்ஸ் எல்லாம் தீர்ந்துவிட்டதாம்..)

சரி சாப்பாடு மற்றும் சிக்கன் வகையறாக்கள் சொல்ல உடனே மண்பானையில் இருந்து சூடாக சாதம் எடுத்து வந்து இலையில் கொட்டினர்.அதே மாதிரி குழம்பும்...எப்பவும் போல பொரியல் அப்பளம்.

நன்றாக இருக்கிறது.அளவாய் உப்பும் காரமும் இருக்கிறது.சாதம் பொலபொலவென்று நன்றாக இருக்கிறது.

சிக்கன் மற்றும் மட்டன் சுக்கா நன்றாக இருக்கிறது.அளவு குறைவுதான்.அதனால் தான் விலையும் குறைவாக இருக்கிறது.

குழி கரண்டி ஆம்லெட் கேட்க அதுவும் சூடாக வந்தது.நன்றாக இருக்கிறது அனைத்தும்.

இந்த ஹோட்டலில் வெளி ஆட்கள் யாரும் வேலை செய்வதில்லை..குடும்ப உறுப்பினர்களே வேலை செய்து வருகின்றனர்.

சுற்றுலா செல்லும் பயணிகளின் வருகை அதிகமாக இருக்குமாம் சனி ஞாயிறு அன்று.ரோட்டின் இரு பக்கமும் கார்களின் வரிசை அணிவகுக்குமாம்.

விலையும் குறைவாகத்தான் இருக்கிறது.அதே போல் சுவையாகவும் சுத்தமாகவும் இருக்கிறது.இந்த ஊரில இன்னும் சில ஹோட்டல்கள் இருப்பதால் செம காம்பெடிசனாம்.அதனால போட்டி போட்டுக்கொண்டு விலை குறைவாக அதே சமயம் ருசியாகவும் தருகிறார்கள்.கொடைக்கானல் செல்லும் அமைச்சர்கள், அதிகாரிகள் எல்லாம் இந்த ஹோட்டலுக்கு வாடிக்கையாளர்களாம்.அந்தப்பக்கம் போனால் சாப்பிட்டுவிட்டு வாருங்கள்.

திண்டுக்கல் டூ கொடைக்கானல் ரோட்டில் வத்தலகுண்டு அருகே இருக்கிறது சாலைப்புதூர்.சாப்பிட்ட பில் எவ்ளோன்னு தெரியல.சத்தியமா நான் கொடுக்கல.

நேசங்களுடன்

ஜீவானந்தம்

இன்னும் கொஞ்சம்...

கரம் - 11

இந்த மாத அந்திமழை இதழின் இளைஞர் சிறப்பிதழில் நம்ம வலைத்தளம் அறிமுகப்படுத்தப்பட்டு இருக்கிறது.கூடவே நண்பர் பிலாசபியும்.மிகவும் சந்தோசமாக இருக்கிறது. நம்மளையும் வாட்ச் பண்றாங்கப்பா என்பதில்..நம்மை அறிமுகப்படுத்திய அந்திமழை இதழ் நிருபர் அசோகன் அவர்களுக்கு நன்றி...

***********************

எலைட் பார் வருமா வராதா அப்படின்னு ஒவ்வொரு ஊரிலயும் எல்லாரும் ஏங்கிகிட்டு இருக்க சத்தமில்லாமல் திண்டுக்கல் மாவட்டத்தில் திறந்து இருக்காங்க.போய் பார்த்தா வெளிநாட்டு  மது இனங்கள் நிறையவே குவிந்து இருக்கின்றன.பார்க்கவே ஆஃப் அடித்த மாதிரி இருக்கிறது.கடையப் பார்த்தவுடன் கை அரிக்க ஆரம்பிக்கின்றது.ம்ம்ம்.....என்ன பண்றது.வந்ததுக்கு ஒண்ணு வாங்கிட்டு தான் போனேன். எலைட் பார் எங்க ஊருக்கெல்லாம் எப்ப வருமோ....ஏக்கத்துடன் 

******************

தமிழக முதல்வர் அம்மா குடிநீரை ஆரம்பிச்சாலும் ஆரம்பிச்சாங்க செம தட்டுப்பாடு இந்த பாட்டிலுக்கு.சீக்கிரம் தீர்ந்து போயிருதாம்.தண்ணீர் நல்ல டேஸ்டாக இருக்கிறது.விலை குறைவாக இருப்பதால் பொதுமக்கள் மத்தியில் செம ரெஸ்பான்ஸ்.பாட்டில்களின் எண்ணிக்கையை அதிகப்படுத்தினால் இன்னும் நன்றாக இருக்கும்.பாட்டிலில் இந்தப்பக்கம் அம்மா என்று தமிழிலும் அந்தப்பக்கம் அம்மா என்று ஆங்கிலத்திலும் என்கிரேவ் செய்யப்பட்டிருக்கிறது.பாட்டில் வடிவம் சூப்பர்.முதல்வருக்கு பிடிச்ச பச்சைக்கலரிலதான் மூடியும் ரேப்பரும் இருக்கு...தண்ணி யும் பச்சைத்தண்ணிதான்...(கலர் மிக்ஸ் பண்ணல...)

*********************

கோவையில ஒரு சுவத்துல இருந்த போஸ்டர் பார்த்தவுடன் பகீர்னு ஆயிடுச்சி.கொசு பெருகிப்போனதுக்கு வாழ்த்து போஸ்டர் அடிச்சிருக்காங்கப்பா.இப்படி ஒட்டியதை பார்த்தாவது கொசுவை ஒழிக்க மாட்டாங்களா அப்படின்னு ஒரு ஏக்கம்தான் போல..இந்த போஸ்டர் அடிச்சு ஒட்டின காசுக்கு பேசாம நிறைய  கொசுமருந்து வாங்கி கொடுத்து இருக்கலாம்.

***********************

பார்த்த படங்கள்:

சமீபத்துல வெளியான நான்கு படங்கள் பார்த்தேன்.

முதல் படம் 6 மெழுகுவர்த்திகள்.ஷாம் ரொம்ப மெனக்கெட்டு நடிச்ச படம்.எனக்கென்னவோ இந்த படம் பிடிக்கல.6 மெழுகுவர்த்திகள் எரிவதற்கு பதில் அணைந்து விட்டது.

இரண்டாவது படம். யாயா...அய்யோ செம மொக்கை படம்.ஏண்டா தியேட்டருக்கு போனோம்னு ஆச்சு..நல்லவேளை பாதி படத்துக்கு மேல தூங்கிட்டேன்.

அடுத்து மலையாளம் 24 நார்த் காதம்.பகத்ஃபாசில் நடித்த படம்.ரொம்ப பிடிச்சிருந்தது.நல்லா நடிச்சிருக்காப்ல.மேக்கப் இல்லாத ஸ்வாதி சோ க்யூட்.மறுபடி பார்க்கத்தூண்டுகிற படம்.

ஓநாயும் ஆட்டுக்குட்டியும் : மிஷ்கின் மிரட்டி இருந்த படம்.இளையராஜாவின் செமையான இசையில் படம் நன்றாக இருக்கிறது.ஆனால் இந்த படம் அந்தளவுக்கு ரீச் ஆகவில்லை.நாமக்கல்லில் மொத்தம் 13 பேர் மட்டுமே பார்த்தோம்.இதில் தியேட்டர் ஊழியர்களும் அடக்கம்.

விபத்து :
திண்டுக்கல் அருகே மதுரை பைபாஸில் ராமேஸ்வரம் சென்று திரும்பி வந்துகிட்டு இருந்த ஒரு டூரிஸ்ட் வேன் மீது லாரி மோதியதில் வேன் இரண்டாக பிளந்தது.இதில் பயணம் செய்த 20 பேரில் 4 பேர் சம்பவ இடத்திலேயே பலி ஆகிவிட்டனர்.மற்றவர்கள் ஆஸ்பத்திரியில்.சம்பவம் நடந்து 4மணி நேரம் கழித்து அப்போது தான் நான் அந்த இடத்தினை கடக்கிறேன்.இடத்தினைப்பார்க்கையில் ஒரே களேபரம்.உணவுகள், பாக்கு மட்டைத்தட்டுகள், உடைகள், என எல்லாம் சிதறி கிடந்தன.ரோட்டில் இருந்து 20 அடி தூரத்தில் வேன் கிடக்கிறது.யார் மேல் தவறு என்று தெரியவில்லை.விபத்து ஏற்படாமல் இருக்க கவனமாக ஒவ்வொருவரும் இருக்கவேண்டும் என்று சொல்லத்தோன்றுகிறது.

நேசங்களுடன்

ஜீவானந்தம்

இன்னும் கொஞ்சம்...

சமையல் - கொழுக்கட்டை

இந்த விநாயகர் சதுர்த்தி அன்னிக்கு என்னோட கிராமத்துல இருந்தேன்.அப்போ சாமிக்கு படைப்பதற்காக அம்மா கொழுக்கட்டை செஞ்சாங்க .(ஒத்தாசைக்கு கூட மாட நானும் கொஞ்சம்) நாம தான் சும்மா இருக்க மாட்டோமே..உடனே அதை போட்டோ எடுத்தாச்சு....அதுதான் இப்போ இந்த பதிவு.

தேவையான பொருட்கள்:

புழுங்கல் அரிசி - 250 கிராம்

வெல்லம் அல்லது சர்க்கரை - 200 கிராம்

பொட்டுக்கடலை - 200 கிராம்

தேங்காய் - 2 மூடி

ஏலக்காய் - சிறிது

வேர்க்கடலை - கொஞ்சம்

எள் - கொஞ்சம்

முதலில் பூரணம் செய்து கொள்ளவேண்டும்.

துருவிய தேங்காயை வாணலியில் வதக்கி ஒரு பாத்திரத்தில் எடுத்துக்கொள்ளவும், சர்க்கரை அல்லது வெல்லம் சேர்த்துக் கொள்ளவும்.அதில் வறுத்து உடைத்த வேர்க்கடலை, பொட்டுக்கடலை சேர்க்கவும்.எள் சேர்க்கவும்.ஏலக்காய் பொடித்து அதில் சேர்த்து அனைத்தையும் கலந்து கொள்ள வேண்டும்.

அடுத்து கொழுக்கட்டை மாவு 

புழுங்கல் அரிசியினை இரண்டு மணி நேரம் ஊறவைத்து பின் உப்பு சேர்த்து கொஞ்சம் கெட்டியாக அரைத்துக்கொள்ள வேண்டும்.அந்த மாவினை  வாணலியில் எண்ணெய் விட்டு தண்ணீர் சுண்டும் வரை பதமாக வதக்கி கொள்ளவேண்டும்.அந்த மாவினை சிறு சிறு உருண்டைகளாக உருட்டி குழி போல் ஆக்கி அதில் பூரணத்தினை வைக்கவேண்டும்.பின் அதை மூடி ( டிசைடிசைனாக கூட மூடலாம்) இட்லித்தட்டில் வைத்து ஆவியில் வேக வைக்க வேண்டும்.பத்து நிமிடங்களுக்கு பின் கொழுக்கட்டை ரெடி...

இப்போலாம் ரெடி மேட் கொழுக்கட்டை அச்சு வருது பிளாஸ்டிக்ல.அந்த அச்சுல மாவை வைத்து பூரணம் வைத்து ஒரு அமுக்கு அமுக்கினா கொழுக்கட்டை அழகா வந்திடும்.அதை வேக வச்சா அவ்ளோதான்...ரெடி...

காரக்கொழுக்கட்டை இதே மாதிரிதான்.ஆனால் பூரணம் தேவைப்படாது.வெங்காயம், வர மிளகாய், உப்பு, சேர்த்து மாவாக ஆட்டி சிறு சிறு உருண்டைகளாக பிடித்து இட்லித்தட்டில் வைத்து வேக வைக்க வேண்டும்.

இதை அப்படியே சாப்பிடலாம்.இல்லையேல் சாமிக்கு படைத்துவிட்டும் சாப்பிடலாம்.

நேசங்களுடன்

ஜீவானந்தம்

இன்னும் கொஞ்சம்...

கோவை மெஸ் - டயானா தூத்துக்குடி மீன் ஸ்டால், 100 அடி ரோடு காந்திபுரம், கோவை

ஒரு மதிய வேளை, காந்திபுரம் 100 அடி ரோட்டுல வந்துட்டு இருக்கும் போது கிராஸ்கட்ல ஒரு வேலை இருப்பதால் அதை பார்த்துட்டு போவோம்னுட்டு கமலா ஸ்டோர்ஸ் எதிர்த்தாப்புல நம்ம வெண் சிங்கத்தினை (வார்த்தை உபயம் கோவை ஆவி ) பார்க் பண்ணினேன்.வண்டியை நிறுத்திவிட்டு இறங்கையில் செமையான மீன் வாசம்..அதுவும் பொறிச்ச மீன் வாசம்.ஆளையே தூக்குது வேற.பார்த்தா எதிர்த்தாப்புல மீன் கடை..ஏற்கனவே இருந்த கடையை கொஞ்சம் புதுசா ஆல்டர் / இண்டீரியர்லாம் பண்ணி மறுபடியும் ஆரம்பிச்சிருக்காங்க.கடை பேரைப்பார்த்தா.... கொஞ்சம் பெருசாவே இருக்கு..ஞான செளந்தரியின் டயானா தூத்துக்குடி மீன் ஸ்டால்.

கடையைப் பார்த்தவுடன் வாசம் நோக்கி கால்கள் முன்னேற, நம்மளைப் கண்டவுடன் கடைக்காரர் சலாம் போட.. பதில் வணக்கம் சொல்லிவிட்டு நம்ம வேலையை பார்க்க ஆரம்பித்தேன்..நம்ம வேலைன்னா...அதான்...போட்டோ எடுக்கறது.....நான் போட்டோ எடுக்கறதைப்பார்த்தவுடன் என்ன சார் ஃபேஸ்புக்ல போட போறீங்களா அப்படின்னு கேட்டவரை வியப்புடன் பார்த்தவாறே இருக்க...அப்போது தான் உள்ளிருந்து வகைவகையாய் ஒவ்வொரு மீனாக மேக்கப் போட்டு வாடிக்கையாளர் வரவுக்காக வெளியில் வந்து காத்துக்கொண்டிருக்க ஆரம்பித்தன.அவைகளை வரிசைகட்டி போட்டோ எடுத்துக்கொண்டே அவரிடம் மிச்ச மீதி மீன் விவரங்களை கேட்டேன்.

பொறுமையாய் பதில் சொன்னவரிடம் இரண்டு வகையான மீன்களை பொறிக்கச் சொல்லிவிட்டு எனக்கான இடத்தினில் அமர்ந்து கொண்டேன்.கொதிக்கின்ற எண்ணையில் மீன் நன்றாக வெந்தவுடன் எனது டேபிளுக்கு வாசத்துடன் வந்தது.

எடுத்து சாப்பிடுகையில் நல்ல சுவை.பொறுமையாய் ஆற அமர மீனினை முடித்துவிட்டு வெறும் முள்ளை மட்டும் விட்டுவிட்டு அடுத்து பிரியாணி டேஸ்ட் பார்க்கலாம் என்றெண்ணி பிளைன் பிரியாணி சொன்னேன்.அது வந்தவுடன் சாப்பிட்டுப்பார்க்கையில் அதுவும் நன்றாக இருக்கிறது.அந்த பிளைன் பிரியாணியிலும் ஒளிந்து கொண்டு கடைக்காரரின் கண்ணில் தட்டுப்படாமல் வந்த இரண்டு இறால் மீன்கள் மிக மிக சுவையாக இருந்தன.இந்த பிரியாணியின் டேஸ்டும் நன்றாக இருக்கிறது.

மொத்தத்தில் பொரிச்ச மீன் இரண்டும் சூப்பர்.இன்னும் நிறைய வகைகள் இருக்கு.ஒவ்வொண்ணா இனி டேஸ்ட் பண்ண போகணும்.மேலும் டிஃபன் அயிட்டங்களும் கிடைக்கின்றன.இட்லி, ஆப்பம் மீன்குழம்பு இங்கு காம்பினேசனாக இருக்கிறது. அனைத்து வகையான கடல் மீன்களும் இருக்கின்றன.விலை 40 முதல் 120 வரை இருக்கின்றன.அப்புறம் இறால்,சிக்கன்  பிரியாணி கிடைக்கிறது.முக்கியமாய் நண்டு சூப் கிடைக்கும்.

விலை கோவைக்கே உண்டான முறையில் இருக்கிறது.மீன் துண்டுகளுக்கு தகுந்த மாதிரி விலை ஏற்றமும் இறக்கமுமாக இருக்கிறது.

அந்தப்பக்கம் போனால் சாப்பிட்டுப்பார்க்கலாம்.அதுமட்டுமல்லாது ஃபிரஷ் மீன்கள் காலையில் கிடைக்கும்.நம்ம பங்காளிகளுக்கு ஏத்த கடை வேறு.கார சாரமாக இருக்கிறது.அருகிலேயே நம்ம கடை வேற...சொல்லவா வேணும்...

இதே ரோட்டிலேயே இரண்டு வீதி தள்ளி ஜோஸ் மீன் கடை இருக்கிறது.

நேசங்களுடன்

ஜீவானந்தம்

இன்னும் கொஞ்சம்...

கோவை மெஸ் - மீனாட்சி பவன், திண்டுக்கல்

திண்டுக்கல்லில் இருந்தபோது தினமும் பிரியாணியா சாப்பிட்டு போர் அடிக்கவே ஒரு மாறுதலுக்காக போனது மீனாட்சிபவன்.சைவ ஹோட்டல்.மிகப்பிரசித்தமான ஹோட்டல்.காபிக்கு ரொம்ப ரொம்ப பேமஸ்.

கோர்ட் அருகே இருக்கிறது இந்த மீனாட்சி பவன்.உள்ளே நுழைகையிலேயே சைவ ஹோட்டலுக்குண்டான மணம் நம் சுவாசத்தினை எட்ட, அதன் வாசமே நன்றாக இருக்க அதை முகர்ந்தபடியே முன்னேறினோம்.செம பிஸியாக ஹோட்டல் இயங்கிக்கொண்டிருக்க நிறைய சீட்கள் ஆக்ரமிக்கப்பட்டு இருக்கவும்,  காலியான ஒரு இடத்தில் அமர்ந்து கொண்டோம்.

ஹோட்டலுக்குள் நுழையும் முன்பே இன்றைய ஸ்பெசல் போர்டு பார்த்துவிட்ட படியால் எனது முதல் சாய்ஸ் ராகி தோசை யானது.அது வர லேட்டாகும் அதுவரைக்கும் சும்மா இருப்பது (சுத்தி முத்தி ஒரு அம்மணிகள் கூட காணோம்.திண்டுக்கல் மாதிரியே வறண்டு கிடக்கு) நல்லா இருக்காது என்பதால் பொங்கல் சொன்னேன்.

பொங்கல் செம டேஸ்ட்.வழுக்கிக்கொண்டு செல்கிறது.நல்ல நெய்மணம் ஊரையே தூக்குகிறது.அதற்கு சட்னியும் சாம்பாரும் ஏகப் பொருத்தமாக இருக்கிறது.கொஞ்சம் விள்ளல் எடுத்து சட்னியில் கொஞ்சம் சாம்பாரில் கொஞ்சம் தொட்டு நனைத்து சாப்பிட ஆகா....அமிர்தம்...கொஞ்ச நேரத்திலேயே பொங்கல் தீர்ந்து விட நமக்கு ருசியின் பசி இன்னும் அதிகமாகி போனது.அதற்குள் ராகி தோசை வந்து விடவே அதை ஒரு கைபார்த்தேன்.

கேழ்வரகு தோசை டேஸ்ட் நன்றாக இருக்கிறது.கொஞ்சம் தடிமனாக இருப்பதால் சட்னியிலும் சாம்பாரிலும் ஊறவைத்து சாப்பிட நன்றாக இருக்கிறது.தக்காளி சட்னி இந்த ராகி தோசைக்கு அருமையாக இருக்கிறது.

அப்புறம் பூரி ஒரு செட் சொல்ல அது சுட சுட ஹண்சிகா மாதிரி உப்பி இருக்க மேலே ஆவி அலைபாய்ந்தது.மசால் உடன் கொஞ்சம் தொட்டு சட்னி தொட்டு பூரி சாப்பிட சுவையோ சுவை..மொத்தத்தில் அனைத்தும் அருமை.

அதற்கப்புறம் காபி சொல்ல அதுவும் வந்து சேர்ந்தது.காபியும் அருமையோ அருமை.இந்த ஹோட்டலுக்கு காபி குடிப்பதற்காகவே நிறைய பேர் வருவாங்களால்.அவ்ளோ சுவையாக இருக்குமாம்.அதுமட்டுமல்லாமல் ஹோட்டல் வெளியே நிறைய பிரபலங்கள் காரில் இருந்து கொண்டே வெறும் காபி மட்டும் குடித்து விட்டு செல்வார்களாம்.அம்புட்டு பேமஸாம்.விலை பரவாயில்லை.அந்த ஊருக்கு ஏற்றமாதிரி இருக்கிறது.

சைவப்பிரியர்களுக்கு ஏத்த இடம்.AMC ரோட்டில் இருக்கிறது.விலையும் குறைவாக அதே சமயம் தரமாகவும் இருக்கிறது.கூடவே ஸ்வீட் ஸ்டாலும் இருக்கிறது.அந்தப்பக்கம் போனால் சாப்பிட்டு விட்டு வாங்க.

நேசங்களுடன்

ஜீவானந்தம்

இன்னும் கொஞ்சம்...

கோவை மெஸ் - நெய்தல், தமிழ்நாடு மீன் வளர்ச்சிக்கழகம், பவர்ஹவுஸ், கோவை

ஒரு மாலை நேரம்...டூ வீலர்ல பவர்ஹவுஸ் ரோட்டு பக்கம் போய்ட்டு இருக்கும் போது காத்துல அப்படியே பொரிச்ச மீன் வாசம் நம்ம நாசியைத் துளைக்கவே ஆட்டோமேடிக்காக கை பிரேக் பிடிக்க ஆரம்பித்தது.இந்த ஏரியாவுல நெய்தல் அப்படிங்கிற தமிழ்நாடு மீன் விற்பனை கூடம் மட்டும் தானே இருக்கு அங்க பச்சை மீன் மட்டும் தானே கிடைக்கும், அப்புறம் எங்க இருந்து வாசம் வருது அப்படின்னு வண்டியை ஓரம் கட்டிட்டு பார்த்தா அங்க ஒரு சில பேர் சாப்பிட்டுக்கிட்டு இருக்காங்க...இதுல அம்மணிகளும் அடக்கம் வேற..அப்புறம் தான் தெரியுது கவர்மென்டே மீன் வளர்ப்பினை ஊக்குவித்து மீன் விற்பனை பிரிவும், மீன் உணவகமும் ஆரம்பிச்சி இருக்கிறது.

இத்தனை நாள் தெரியாமப்போச்சே...அப்படின்னு வருத்தப்பட்டுக் கொண்டே....சரி... நாமும் ஒரு அட்டண்டன்ஸ் போடுவோம்னுட்டு என்ன இருக்குன்னு கேட்க 

மீன் சில்லி, ஃபிங்கர் ஃபிரை, கார்லிக் மீன் ஃபிரை லாம் இருக்குன்னு சொல்ல, ஒரு சில்லியும், கார்லிக் ஃபிரையும் சொன்னேன்.பொரிச்சு எடுக்க கொஞ்ச நேரம் ஆகுமே அதுவரைக்கும் அங்க இருக்குற அம்மணிகளை நோட்டம் விடறதுக்கு பதிலா பக்கத்துல இருக்கிற நெய்தல் விற்பனை இடத்தினை பார்ப்போம் என அங்க ஒரு எட்டு வைச்சேன்..

விற்பனைக்கூடம் மிக அலங்காரம் செய்யப்பட்ட தோற்றத்தில் நம்மை வரவேற்கிறது.பார்க்கவே பளிச்சென இருக்கிறது.உள்ளே பார்க்கையில் நிறைய மீன்கள் பிரெஷாய் குளிர்பதன பெட்டியில் வாடிக்கையாளரை வரவேற்று வழி மீது விழி வைத்து காத்துக்கொண்டிருந்தன கூடவே விற்பனையாளரும்...பாறை, கட்லா, ரோகு நெய்மீன் போன்றவை அலங்கரித்துக்கொண்டு இருந்தன குளிர்பதன பெட்டியை...

அரசே நிர்ணயித்தவிலை அதனால் விலையும் குறைவாகத்தான் இருக்கிறது. 

நம்ம பதிவுக்கு போட்டோ எடுத்துக்கொண்டிருக்கையில் பொரிச்ச மீன் ரெடியானதுக்கான அழைப்பு வரவே கால்கள் இடம் பெயர்ந்தன.

கார்லிக் மீன் துண்டு செம டேஸ்ட்.என்ன மசாலாவென தெரியவில்லை அம்புட்டு டேஸ்டாக இருக்கிறது.சாப்பிட சாப்பிட சுவை அதிகரித்துக் கொண்டேயும் மீனின் அளவு குறைந்து கொண்டேயும் இருக்கிறது.மிக சூப்பராக இருக்கிறது.அதே போல் விலையும் குறைவாக இருக்கிறது.மீன் சில்லி எப்பவும் போல ஒரே சுவை தான்.நெய்மீன் போட்டு தயாரித்து இருக்கிறார்கள்.ஓகே ரகம்..

மாலை நேரம் கொஞ்சம் மங்க ஆரம்பித்தவுடன் கூட்டம் கூட ஆரம்பிக்கிறது.காலையில் இருந்தே வியாபாரம் நடக்கிறது.அவ்வப்போது வருவதும் போவதுமாக வாடிக்கையாளர்கள் இருக்கின்றார்கள்...

பிரெஷ் மீன் வாங்கவும் கூட்டம் காலையில் அலை மோதுகிறது.மாலை வரைக்கும் விற்பனை இருக்கிறது.

மத்த இடங்களில் இருக்கும் விலைகளை விட இங்கு குறைவாக இருக்கிறது.நம்ம பங்காளிகளுக்கு ஏற்ற இடம்.

மேம்பாலத்தில் இருந்து காந்திபுரம் செல்லும் பவர்ஹவுஸ் ரோட்டில் இடது புறம் இருக்கிறது.

வேலை நேரம் - காலை 10.30 டூ  2.30 மாலை 4.30 டூ 9.30 

நேசங்களுடன்

ஜீவானந்தம்

இன்னும் கொஞ்சம்...