பாகனும் சுந்தரபாண்டியனும்

பாகன் : 

இந்த படம் புதன் அன்னிக்கு  நம்ம  ப்ரூக் ஃபீல்ட்ஸ் ல பார்த்தேன்.அங்க படம் பார்க்க போகிறமோ இல்லையோ...ஏகப்பட்ட அம்மணிகளை படம் பார்த்துவிட்டு வரலாம்.இருக்கிற எல்லா ஃபுளோர்ல யும் நல்லா சுத்தி பார்த்துட்டு மனசு வலிக்க தியேட்டர்க்குள் புகுந்தேன். சைக்கிள் தன்னோட பார்வையில் கதை சொல்ற மாதிரி படம் ஆரம்பிக்குது.படம் நம்மை ஒன்ற செய்கிறது ஒரு சில காட்சிகளில் மட்டும்.பரோட்டா சூரியின் காமெடி அங்கங்க கிச்சு கிச்சு மூட்டுது.அப்புறம் நமக்கு ரொம்ப பிடித்த பாட்டு ”இப்படி ஓர் கண்களை கண்டதில்லை” பார்த்தவுடன் மனம் கொஞ்சம் லேசாச்சு...
ஸ்ரீகாந்த் ரொம்ப அழகா இருக்கார்.காமெடி பரவாயில்லை.பார்க்கலாம் ஒருமுறை..

படம் சுமார்தான்.கொஞ்சம் காமெடிக்காக பார்க்கலாம்.

சுந்தரபாண்டியன் :

நேத்து இரவு காட்சி எங்க ஊர் ஏரியாவுல இருக்கிற கல்பனா தியேட்டர்க்கு போனேன்.இந்த தியேட்டர்ல கடந்த 14 வருசமா பார்த்துகிட்டு இருக்கேன்.சிட்டிகுள்ளே போக கஷ்டபட்டா இந்த தியேட்டருக்கு  போவோம்.நேற்று அப்படிதான் போக வேண்டியதாக போச்சு.முதல் நாள் ரிலீஸ் வேற.உள்ளே போனால் ஒரே அலப்பறை...சில்லு வண்டுகளோட...சசிகுமார் வந்தா விசிலு...பேசினா விசிலு...நட்பை பத்தி பேசினா விசிலு...இப்படி படத்தை பார்க்க விடாம பண்ணிட்டாங்க பாவிங்க..படம் ரொம்ப நல்லா இருக்கு.சூரி காமெடி ரொம்ப நல்லா இருக்கு.இடைவேளை வரை மிக சுவாரசியமாக செல்லுகிறது.அதற்கு அப்புறம் எதிர்பாராத திருப்பங்கள் என நன்றாக செல்கிறது.
சசிகுமார் நம்ம தலைவரை போல ஸ்டைல பண்றாரு.இருந்தாலும் ரசிக்க முடிகிறது.

கதாநாயகி ரொம்ப அழகா மாநிறமா இருக்காங்க. பார்த்த முகம் போல மனதுக்குள் பசை போட்டு ஒட்டிகிறாங்க.
சூரியின் காமெடி செம...நிறைய கைதட்டல் .. தியேட்டரில்...
படம் நன்றாக இருக்கிறது..

மறுபடியும் பார்க்க தூண்டியிருக்கிறது.கண்டிப்பா ப்ரூக் ஃபீல்ட்ஸ் தான் போகனும்.அப்போதான் மனசும் நிறையும்.கண்ணுக்கும் விருந்தாகும்.

இந்த படங்களை இவ்ளோ சீக்கிரம் பார்க்க தோன்றியதுக்கு ஒரு காரணம் ..சூரி...பயபுள்ள நம்ம தோஸ்த் தா போயிட்டான் (ர்).பயபுள்ள நல்லா நடிச்சு இருக்கு..வாழ்த்துக்கள் மச்சி...

இந்த இரண்டு படங்களை பத்தி சினிமா விமர்சகர் நம்ம சித்தப்பு பார்வையில்....

http://www.adrasaka.com/2012/09/blog-post_9799.html

http://www.adrasaka.com/2012/09/blog-post_8.html

நேசங்களுடன்

ஜீவானந்தம்.

இன்னும் கொஞ்சம்...

தேனி இண்டர்நேஷனல் ஹோட்டல், தேனி

 தேனியில் இருக்கும் போது நம்ம வெளங்காதவன் ஒருநாள் போன் பண்ணி இந்த மாதிரி அங்க ஒரு ஹோட்டல் இருக்கு.அங்க பெப்பர் மட்டன் செமையா இருக்கும் அப்படின்னு சொன்னதால் நமக்கு நாக்குல எச்சில் ஊற ஆரம்பித்தது.எட்றா வண்டிய...விட்றா ஹோட்டலுக்கு என நம்ம பய புள்ளைக்கு ஆர்டர் போட்டு விட்டு ஜம்முனு போய் இறங்கினோம்.ஹோட்டல் கார் பார்க்கிங் உடன் நல்ல விஸ்தாரமாக தான் இருக்கு.

 

உள்ளே போக ரெண்டு வழி இருந்துச்சு.ஒண்ணு ரெஸ்டாரண்ட் க்கு ..இன்னொன்னு பாருக்கு....சத்தியமா ரெஸ்டாரண்ட்க்குள்ள தான் போனோம்.உள்ளே போய் பார்த்தா அங்க ஒரு வழி பாருக்கு போகுது..சரி..சனி சட்டையில் உட்கார்ந்து இருக்கு என்ன பண்றது...உள்ளே போனால் ஏதோ சொர்க்க லோகத்துல இருக்கிற மாதிரி ஒரே புகை மண்டலமா இருக்கு.ஒரே இருட்டு வேற..எப்படியோ தட்டு தடுமாறி...(எப்பவும் அப்புறம் தான் தள்ளாடுவோம் இது ஒரு முன்னோட்டம் போல ) ஒரு கேபினில் தஞ்சம் அடைந்தோம்.

வந்த சர்வர்கிட்ட பேரெல்லாம் கேட்டு பெப்பர் மட்டன் , ஃபிஷ் ஃபிங்கர் பிரை, இதெல்லாம் ஆர்டர் பண்ணவும்..அவரு ஒரு மாதிரியா பார்க்க, கூட வந்த நண்பர்கள் வேற முறைச்சு பார்க்க, என் தவம் கலைய ஆரம்பித்தது.சரி..சரி..அப்படின்னு ஒரு பகார்டி யும் ஸ்பிரைட்டும் ஆர்டர் பண்ணவும் தான் நம்ம பாசக்கார பயலுகளுக்கு கொஞ்சம் திருப்தி ஆச்சு.

அப்புறம் எல்லாம் வர..கொஞ்சம் கொஞ்சமாய் தாகத்தை தீர்த்துகிட்டோம்.சரி...சரி...முதல்ல நாம வந்த வேலைய ஆரம்பிப்போம்..

பெப்பர் பிரை...

இது செம டிஷ்..கொஞ்சம் கூட எலும்பே இல்லாமல் கொத்து கறி போல் துண்டுகளாக மிக அருமையாக  இருக்கிறது.பெப்பர் மணத்துடன், அதே காரத்துடன் நல்ல சுவையுடன் இருக்கிறது.சாப்பிட்டு முடித்தவுடன் மீண்டும் இன்னொரு பிளேட் ஆர்டர் செய்து சாப்பிட்டோம். 

 அப்புறம் பிஷ் பிங்கர் பிரை..இதுவும் நல்ல சுவையுடன் இருந்தது.வெண்டைக்காய் சைசில் நன்றாக மொறு மொறு க்ரிஸ்பியாக, சுவையுடன் இருந்தது.என்ன விலை கொஞ்சம் அதிகம் தான்.அதே சமயம் எண்ணிக்கை ரொம்ப குறைவா இருக்கு.அழகா மேக்கப் பண்ணி கொண்டு வந்து இருந்தாங்க.

இது ரெண்டு மட்டும்தான் நான் வெஜ் ல.அப்புறம் மத்தது எல்லாம் வெஜ் தான்.அதுவும் சரக்குக்கு சைட் டிஷ் ஆ கொடுத்தது தான்.ஏகப்பட்ட வகைகள்.கொடுத்த காசுக்கு வஞ்சனை இல்லாமல் தராங்க. எனக்கு ஒரு சந்தேகம்..ஏன் தேனி மாவட்டத்துல பப்பாளியும், கொய்யா வையும் தராங்க ? அதை விட நம்ம பங்கு சம்பத்  ஊர்ல ஒரு கடையில முருங்கை காய் கொடுத்தாங்க.அதுவும் நல்லா தான் இருக்கு..

ஒருவழியா எல்லாம் முடிஞ்சு பில் செட்டில் பண்ணலாம்னு பில் வாங்கி பார்த்தா அடிச்ச சரக்கெல்லாம் சட்டுனு இறங்கி போச்சு..அவ்ளோ ரேட்.யானை விலை ..குதிரை விலை தான்.அப்புறம் என்ன பண்றது.பணம் கொடுத்துட்டு இனி அரசு கடையத் தான் தேடி போக வேண்டியது போல அப்டின்னு நினைத்து கொண்டே விடு ஜூட்.....

தேனியில் இருக்கிற பெரிய ஹோட்டல் இதுதான்.ரூம், ஹோட்டல், பார் என அனைத்து வசதி களூம் இருக்கிறது.எப்பவாவது அந்த பக்கம் போனால் சாப்பிட்டு விட்டு மட்டும் வரலாம்.

கிசுகிசு :தேனி மாவட்டம் வறண்டு கிடப்பதை போல அம்மணிகளும் ரொம்ப வறட்சியா இருக்கு.கண்ணுக்கு எட்டின தூரம் அம்மணிகளை காணோம்.பாவம் ...அந்த ஊர் பயலுக..ஒருநாள் இருக்கிற நமக்கே இப்படின்னா அவங்களுக்கு சொல்லவே வேணாம்....

இன்னொரு கிசுகிசு : மது உடலுக்கு தீது

நேசங்களுடன்

ஜீவானந்தம்.

இன்னும் கொஞ்சம்...

கரம் - 3

சைலன்ட் வேலி:

கேரளாவில் இருக்கிற ஒரு சுற்றுலா தலம்.ஒருநாள் இங்க போகனும்னு முடிவு பண்ணி பாலக்காடு வழியா போனோம்.பாலக்காட்டில் இருந்து ஆனை கட்டி செல்லும் வழியில் இருக்கு.அருமையான மலைப்பகுதி.எங்கு பார்த்தாலும் பசுமை பொன்னாடை போர்த்தி இருக்கிறது.சரியான குளிர்ச்சி.வளைந்து வளைந்து செல்லும் பாதை.மதிய வேளையிலும் கூட இருட்டை காண்பிக்கிற மரங்களின் அடர்த்தி.எப்போ எந்தப் பக்கம்  யானை வருமோ என்று அஞ்சிய படியே சென்ற மலைப்பாதை.மிகவும் திரில்லிங் ஆன பகுதி.அடிச்சி பிடிச்சி அங்க போனா காலை 9 முதல்  மதியம் 2 மணி வரைக்கும் தானாம்.அதுவும் முன்கூட்டியே அனுமதி வாங்கி செல்லணுமாம்.மறுபடியும் செல்ல வேண்டிய ஆர்வத்தை தூண்டி விட்டிருக்கிறது.

டிவி:
விஜய் டிவியில் ஹோம் ஸ்வீட் ஹோம் அப்படிங்கிற ஒரு ப்ரோக்ராம்.இதுல காம்பியரிங் பண்ற ஜோடியோட தொல்லை தாங்க முடியல.அதுவுமில்லாமல் நடிகர்கள், சீரியல் நடிகர்கள் இவங்கதான் கலந்துகிறாங்க.அப்படி ஒண்ணும் சரியில்ல. (ரொம்ப எதிர் பார்க்கிறமோ..)ஆனா இந்த ப்ரோக்ராம் எதுல இருந்து சுட்டு இருக்காங்கன்னா AXN டிவியில் இருந்து தான்.நிறைய டேலன்ட் கேம்ஸ்.கேம்ஸ்ஐ விட இதுல கலந்துக்கிற அம்மணிகளை பார்த்தாலே போதும்.சும்மா செமயா இருக்காங்க.கண்ணுக்கு எவ்ளோ குளிர்ச்சி.சும்மா கிளு கிளுன்னு இருக்கு.அப்புறம் இந்த காம்பியர் இருக்காரே கொடுத்து வச்சவர்.ஆனா ஊனா போய் கட்டி பிடிச்சிடராரு..ம்ம்ம் செம...

இன்னொரு டிவி:
நம்ம ராஜ் டிவி யில் ஒரு ப்ரோகிராம்.இரண்டு பிரபலங்களோட முகத்த மாஸ்க் பண்ணி யாருன்னு கேட்டு நேயர்கள் கிட்டே போன் மூலம் பணம் பிடுங்கிறது.இதுவும் வேற எங்கயோ இருந்து சுட்டு இருக்காங்க.சமிபத்தில் zoom டிவியில் இதே மாதிரி பார்க்க நேர்ந்துச்சு.சல்மான், கோவிந்தா முகத்த மாஸ்க் பண்ணி நேயர்கள் கிட்ட பணத்த கோவிந்தா போட ஆரம்பிச்சு இருக்காங்க.எப்படி எல்லாம் ஏமாத்துறாங்க.

பாட்டு:
இப்போ அதிகமா கேட்கிற பாட்டு பாகன் படத்துல வர்ற '' இப்படி ஓர் கண்களை கண்ட தில்லை''
என்கிற  மெலோடி தான். வரிகள் அனைத்தும் அருமை. ''எனை மறந்து யோசிக்கிறேன்........எனக்குள் தினம் பேசுகிறேன்...உயிர் நிறைய நேசிக்கிறேன்....செம.....கேட்டு பாருங்கள்...

நேசங்களுடன்
ஜீவானந்தம்.

இன்னும் கொஞ்சம்...

மக்கள் டிவி - தமிழ் வலைப்பதிவர்கள்-ஒளிபரப்பு

மக்கள் டிவியில் இன்று தமிழ் வலைப்பதிவர்கள் பற்றிய தொகுப்பு ஒளிபரப்பு செய்ய பட்டது.அதில் இடம் பெற்ற நண்பர்கள்.
(போட்டோ ஒரு குத்து மதிப்பா தான் இருக்கு..)

நேசங்களுடன்
ஜீவானந்தம்

இன்னும் கொஞ்சம்...

ஸ்ரீ சித்திர புத்திர எமதர்ம ராஜா கோவில், வெள்ளலூர், கோவை

          கடந்த  ரெண்டு மூணு நாளாவே மனசுக்குள் ஒரு பயம்.வண்டி ஓட்டும் போது கூட கவனம் சிதற ஆரம்பிக்குது.இதை இப்படியே விட்டு விட்டா நாம நாமளா ( நார்மலா ) இருக்க முடியாது இதை எப்படி நிவர்த்தி பண்ணலாம் அப்படின்னு யோசிச்சு பேசாம சரண் அடைந்து விடலாம் என்று எண்ணி போனது

எம தர்ம ராஜா கோவிலுக்கு...

கோவையில் சிங்காநல்லூர் அருகில் இருக்கிற வெள்ளலூர் என்கிற ஊரில் சித்திர குப்தனுடன் குடி கொண்டு இருக்கிறார்  எம தர்ம ராஜா.

சுற்றிலும் வயல் நிறைந்த பகுதியில் தனியாய் இருக்கிறது கோவில்.அருகில் வீடுகளும் இருக்கின்றன.கோவில் மிக அமைதியாக இருக்கிறது.கோவிலின் நிறம் நம்முள் ஒரு பயத்தை ஏற்படுத்துகிறது.வட இந்திய கோவில் போல் கலர் கலராய் வண்ணம் பூச பட்டு இருக்கிறது.

நிசப்தம்..எங்கெங்கும்..

கருவறையில் எம தர்ம ராஜா தனது வாகனத்தில் அமர்ந்த படி இருக்கிறார். அருகில் சித்திர குப்தன்.விருப்பம் போல வணங்கினேன்.விட்டு செல்ல மனம் இல்லாமல்.

கோவிலின் வெளி பிரகாரத்தில் எமனின் தண்டனைகள் என ஒரு பிளக்ஸ் போர்டு வைத்து இருக்கின்றனர்.சகல வித கஷ்டங்கள் அனைத்துக்கும்   பரிகாரம் செய்ய வேண்டிய முறைகள் கொடுத்து இருக்கின்றனர்.

மரண பயம் ஏற்படுவர்களுக்கு இந்த கோவில் ஒரு மருந்தாக இருக்கிறது.

 

 

 

 

 

 

 

                                   (கருவறையில் உள்ளபடியே வெளியில் எம தர்ம ராஜா உருவ படம்)

இக்கோவில்  தல வரலாறு தெரியவில்லை.இக்கோவில்  பிரகாரத்தில் கணபதி சன்னதி ஒன்று இருக்கிறது.இங்கு சித்திரை பவுர்ணமி அன்று சித்திரை வாணி பொங்கல் மிக விமரிசையாக கொண்டாடப்படும்.பரிகாரம் செய்பவர்கள் தினந்தோறும் வந்த வண்ணம் இருக்கின்றனர்.வேண்டிய எண்ணம் கைகூடும் என்ற நம்பிக்கை கண்களில் தெரிய வேண்டியபடியே வெளியேறினேன்.

கோவிலுக்கு செல்லும் வழி :கோவை , சிங்காநல்லூர் டு வெள்ளலூர் (6  கி மீ தூரம் இருக்கும்)
நடை திறப்பு : காலை 8 முதல் மாலை 5 வரை.

கண்டிப்பாக  வணங்க வேண்டிய தெய்வம்.

நேசங்களுடன்
ஜீவானந்தம்

இன்னும் கொஞ்சம்...

அருள் மிகு கைலாச நாதர் கோவில், கைலாச பட்டி, பெரிய குளம்

     இந்த கோவில் பெரிய குளம் டு தேனி செல்லும் வழியில் கைலாச பட்டி என்கிற ஊரில் மலைக் கோவில் ஆக அமைந்து உள்ளது.மெயின் ரோட்டில் இருந்து இரண்டு கிலோ மீட்டர் தொலைவில் கோவில் அடிவாரம் இருக்கிறது.அடிவாரத்திலிருந்து மேலே செல்ல பாதை அமைக்கப்பட்டு இருக்கிறது.மலைகள் சூழ்ந்த இந்த தேனி மாவட்டத்தில் ஒரு சிறிய மலையில் இந்த கைலாச நாதர் லிங்க வடிவில் எழுந்தருளி உள்ளார்.

      சுமார் ஆயிரம் ஆண்டுகளுக்கு முன் உருவான வரலாற்று சிறப்புமிக்கது. அகத்திய முனிவர் இத்திருத்தலத்தை பற்றி கைலாசநாதர் கோயில் கண்டேன். அங்கு ஓர் சுனை கண்டேன் என்று பாடியுள்ளார். இம்மலைக்கு தியான மலை என்ற பெயரும் உண்டு. சட்டநாத மாமுனிவர் இம்மலைக்கு வந்து தியானம் செய்துள்ளதாக வரலாறு கூறுகிறது. 

    இந்த கோவில் இப்போதுதான் செப்பனிடப்பட்டு புது மலைப்பாதை, புதிய கோவில் மிக அழகாய், அம்சமாய் இருக்கிறது.

    கோவில்  அடிவாரத்தில் வெள்ளை விநாயகர், சந்திர லிங்கம் அமைந்து உள்ளது.இந்த பிள்ளையார் குடவரைக் கோவிலாக அமைந்துள்ளது. பிள்ளையார் பட்டிக்கு அடுத்த படியாக இங்குதான் குடவரை விநாயகராக இந்த வெள்ளை விநாயகர் இருக்கிறார்.

        இந்த  கோவிலின் உள்ளே நுழைகையில் நம்மை வரவேற்பது கொடி மரம். அதன் அருகிலேயே நவக்கிரக சன்னதி ஒன்றும் இருக்கிறது. மேலும் ஒரு பாறைக் கிணறு ஒன்றும் இருக்கிறது.இதில் நீர் வற்றாமல் இருப்பது அதிசயமே...

       ஒவ்வொரு வருடமும் தமிழ் புத்தாண்டு தினமான சித்திரை மாதம் 1-ம் தேதி காலையில் சூரிய ஒளியானது நேராக அருள்மிகு கைலாசநாதர் லிங்கம் மீது படுவது இக் கோவிலின் சிறப்பு அம்சமாகும். 

 சுமார் 500 ஆண்டுகளுக்கு முன்னர் தேர் இழுத்ததற்கான சான்றாக இரும்பு வடம் இன்னும் இருக்கிறது.கல்வெட்டுகளும் இருக்கின்றன.

  

 

 

 

 

 

கோவிலை சுற்றியும் இயற்கை  அழகு கண்ணை பறிக்கிறது.பசுமை போர்வை போர்த்திய நிலபரப்புகள்.தொடர்ச்சியாக  மலை மீது செல்லும் அழகிய மேக கூட்டம் என இயற்கை வாரி வழங்கி இருக்கிறது.

இந்த கோவிலில் பவுர்ணமி அன்று கிரிவலம் செல்லும் பக்தர்களுக்கு நோய்கள் விலகி நல்ல ஆரோக்கியத்தை கொடுக்க வல்லது.இந்த மலை. அத்துடன் நவகிரக குன்றுகளையும் சுற்றி வந்த பலன் கிடைப்பதால், கிரக தோஷங்கள் நீங்கும் என்பது நம்பிக்கை.

காலை 6 மணி முதல் 9 மணி வரை, மாலை 4 மணி முதல் இரவு 8 மணி வரை திறந்திருக்கும்.

செல்லும்  வழி : பெரிய குளம் டு தேனி வழியில் கைலாச பட்டி என்கிற ஊரில் இருந்து கோவில் செல்லலாம்.

கிசுகிசு : இந்த கோவில் முழுக்க நம்ம முன்னாள் முதல்வர் ஓ பன்னீர் செல்வம் அவர்களால் செப்பனிட பட்டது என்கிற வரலாற்று உண்மையை சொல்லி கொள்கிறேன்.

நேசங்களுடன்

ஜீவானந்தம்

இன்னும் கொஞ்சம்...

கோவை மெஸ் - ஸ்ரீ குல்பி ஐஸ் - - R.S.புரம், கோவை

ஸ்ரீ  குல்பி ஐஸ் - சில்லுனு ஒரு கடை

இந்த கடை ரொம்ப வருசமாவே இந்த இடத்துல இருக்கு.எப்ப பார்த்தாலும் குல்பிகள் சாரி அம்மணிகள் கூட்டம் அதிகமாவே இருக்கும்.அதுவும் சாயந்திரம் போனால் அவ்ளோதான் நம்ம மனசை மாத்தி வைக்க வேண்டியதுதான்.சரி..நமக்கு சம்பந்தம் இல்லாத ஏரியா அப்படிங்கிறதாலே இத்தனை நாளாய் அந்த பக்கம் போகாமலே இருந்தேன்..இப்போ தான் நாம பதிவர் ஆச்சே...போய் பார்த்துட்டு பதிவ தேத்துவோம் அப்படிங்கற நல்ல எண்ணத்துல தான் போனேன்.(ஹி ஹி ஹி )

அதுவும்  இல்லாமல் இந்த கடை இருக்கிறது R.S.புரம் ஏரியா. இந்த இடத்தை பத்தி சொல்லவே வேணாம்.எப்பவும் அம்மணிகள் மயம்தான்.DB ரோட்டுல அவ்ளோ கடைகள் இருக்கு. அதனாலே இங்க அம்மணிகள் செம கலக்கலா இருக்கிற ஏரியா.வித விதமா, ரகம் ரகமா, வயசு வித்தியாசம் இல்லாம சும்மா குளுகுளுன்னு ஊட்டிக்கே ஏசி போட்ட மாதிரி இருப்பாங்க......(போதும்...தம்பி...போதும்....செல்ப் கண்ட்ரோல்) 

 

கடைக்கு  போய் என்னென்ன இருக்கு அப்படிங்கிறத கேட்டுட்டு ஆர்டர் பண்ணினோம்.இங்க  ஏகப்பட்ட வகையில் குல்பி குச்சி ( stick ) இருக்கு.அதிகமா அம்மணிகள் ஏன் இதை விரும்பறாங்கன்னு தெரியல.அப்புறம் பலூடா.இத எப்படி கண்டு பிடிச்சாங்கன்னு தெரியல..என்னென்னமோ கலக்குறாங்க.கலர் சேமியா, பால்கோவா, எசன்ஸ், அப்புறம் ஒரு சீட்ஸ், (கேரளாவில் இது அதிகமாக குளிர் பானங்களில் பயன்படுத்துவர், தண்ணியில் போட்ட வுடன் கொஞ்சம் வழ வழப்பு தன்மை வந்திடும்.உடலுக்கு குளிர்சசி வேற.)இதல்லாம் போட்டு தராங்க.செம டேஸ்டா இருக்கு.டிரை நட்ஸ் பலூடா..இதுவும் நல்ல டேஸ்ட்.இதுலயும் நிறைய வகை.அதுவும் மலாய் பலூடா.செம டேஸ்ட்.

சின்ன  சின்ன மண்பாண்ட குப்பியில் குல்பி வேற வைத்து இருக்காங்க. சில்லுனு அதுவும் ரொம்ப சுவையா இருக்கு.

 

 

 

 

 

                                                          ( பலூடா ரெடி பண்றாரு )

அப்புறம் கோலா ஐஸ்...அரைச்ச ஐஸ் துகள்களை ஒரு டம்ளர்ல போட்டு அமுத்தி  அதை எடுத்து அதுல நிறைய பிளேவர் ல சிரப் ,கிரீன் மேங்கோ, ஸ்ட்ராபெர்ரி, கிரேப்ஸ்,ஆரஞ்சு, என எல்லா பிளேவரும் ஊத்தி ஒரு டம்ளர் ல போட்டு தராங்க..அப்படியே எடுத்த உறிஞ்சி உறிஞ்சி சாப்பிடும் போது நாமளும் ஒரு குழந்தை ஆகிவிடுகிறோம்...

ரொம்ப  திகட்டுது அதிக சுவையினால், ஆனாலும் நன்றாக இருக்கிறது.(கலர் கலரா ஊத்தறாங்க...இது அனுமதிக்க பட்ட நிறமா என்று தெரியவில்லை)

கண்டிப்பா எல்லாருக்கும் பிடிக்கும்.முக்கியமா குழந்தைகளுக்கு.அவங்களை கூட்டிட்டு போற பெரியவங்களும் கண்டிப்பா சாப்பிடுவாங்க.அப்புறம் அந்த பக்கம் அதிகமா வர்ற நம்ம அம்மணிகள் ..ஹி ஹி ஹி...

இந்த கடைக்கு பக்கமா தான் KFC இருக்கு.அங்க ஒரு வெட்டு வெட்டிட்டு அப்புறம்  இங்க ஒரு கட்டு கட்ட செம இடம்.

கிசு  கிசு:
பாவைகளை
பார்வையால்
பருகியதால்
பசியாற வில்லை
வயிறும் ...மனதும்....

நேசங்களுடன்
ஜீவானந்தம்

இன்னும் கொஞ்சம்...