எலி வேட்டை....

எலி பிடிப்பது எப்படி..

சமீபத்தில் நம்ம மதுரைக்காரர் தமிழ்வாசி ஒரு பதிவுல எலி பிடிச்சத பற்றி போட்டு இருந்தார்.அவரு அந்த கால ஸ்டைலில் எடால் வச்சி அதுக்குள்ளே ஊசிப் போன வடையோ இல்ல தேங்காயோ வச்சி ரொம்ப கஷ்டப்பட்டு பிடித்து இருந்ததை எழுதி இருந்தார். இப்போலாம் எலிகள் ரொம்ப விவரமா இருக்கு.மசால் வடை சாப்பிடுவதில்லை, தேங்காய் சில்லு பிடிக்கறதில்லை. அதுகளும் பீசா பர்கர் ன்னு விரும்புது போல..காலத்துக்கு ஏத்த மாதிரி அதுகளும் மாறிடுச்சுக.

         எனக்கும் இந்த மாதிரி ஒரு அனுபவம்.எங்க வீட்டிலேயும் எலிகள் ரொம்ப தொல்லை பண்ணிட்டு இருந்ததுக.அப்பப்ப ஹால்ல, பெட்ரூம்ல நம்மள மாதிரியே சகஜமா நடமாட்டிட்டு இருக்குதுங்க.அதுவும் இல்லாமல் என்னோட புது வண்டி டூ வீலர் சுசுகி அச்செஸ், வாங்கி மூணு மாசம் தான் இருக்கும், அதுல எலி குடியேறி குடும்பம் நடத்திட்டு இருந்திருக்கு.உள்ளே இருக்கிற ஒயர் லாம் கடிச்சு நாஸ்தி பண்ணி வச்சி இருக்குதுக.வண்டியும் ஸ்டார்ட் ஆகல .கொண்டு போய் மெக்கானிக் கிட்டே கொடுத்து பிரிச்சு பார்த்தா ரெண்டு எலிகள் அலறி அடிச்சு கிட்டு ஓடுதுங்க.கூடவே  நம்ம மெக்கானிக்கும்.....

        இன்னிக்கு எப்படியாவது மிச்சம் இருக்கிற எலிய பிடிச்சே தீரணும் அப்படிங்கிற முடிவோட கடைக்கு போய் பார்த்தா ரொம்ப லேட்டஸ்ட் டெக்னாலஜிலாம்  வந்து இருக்கு.அதுல ஒண்ணு வாங்கி வந்தேன்.அது எலி புடிக்கிற கம் (GUM ).

ரொம்ப ஈசியான வேலைங்க.எலி நடமாடுற இடத்துல இதை பிரிச்சு வச்சிட்டா போதும்.எலி அது மேல நடக்கிற போது பசையில் அதான் கால்கள் ஒட்டி நடக்கவோ ஓடவோ முடியாத படி ஆகிடும்.அப்புறம் அலுங்காம குலுங்காம போய் அப்படியே அந்த அட்டையை மடக்கி கொஞ்ச நேரம் வச்சா எலி மூச்சு திணறி செத்துப் போய்டும்.அப்புறம் எலிய மட்டும் பிச்சு காக்கா கிட்ட போட்டுட்டு மீண்டும் இந்த அட்டையை அடுத்த எலிக்கு வைக்கலாம்.எலி மட்டுமல்ல கரப்பான் பல்லி, பூச்சி இது கூட பிடிக்கலாம்.

        இப்படிதாங்க இந்த அட்டைய வச்ச ஒரு மணி நேரத்தில நம்ம எலியார் மாட்டிக்கிட்டாருங்க.அப்புறம் நம்ம பதிவுக்கு ரெண்டு மூணு போஸ் கொடுத்துட்டு மண்டையை போட்டுட்டாருங்க.எங்க வீட்டுல பிடிச்ச எலி இது தாங்க..

 

 ம்ம்ம்ம்....எப்படியெல்லாம் பதிவ தேத்த வேண்டி இருக்கு பாருங்க.

கிசுகிசு: மாம்ஸ் மதுரைக்காரரே...உங்க லிங்க் தந்து இருக்கேன்..எதாவது பார்த்து போட்டு குடுங்க சாமியோவ்...

நேசங்களுடன்

ஜீவானந்தம்