கோவை மெஸ் : தாபா எக்பிரஸ், மஹிந்தரா வோர்ல்டு சிட்டி, செங்கல்பட்டு

தாபா எக்பிரஸ்...மஹிந்தரா வோர்ல்டு சிட்டி, செங்கல்பட்டு

நம்ம வேலை இங்க நடக்கிறதால் ஒரு வெள்ளிக்கிழமை அன்னிக்கு இந்த ஹோட்டலுக்கு போனேன்.இந்த ஏரியா ஒரு சாஃப்ட்வேர் என்பதால் ஆங்காங்கே அம்மணிகள் கூட்டம்.

முதல் மாடியில் இருக்கிறது இந்த தாபா..முன்பே டேபிள் ஆர்டர் செய்து விட்டு நண்பர்கள் புடை சூழ கிளம்பினோம்.

ஹோட்டலின் முகப்பு மூங்கில் பிளைண்ட்ஸ் போட்டு வெய்யில் உள்ளே வராதபடி தடுத்து  இருக்கின்றனர்.உள்ளே இருப்பது ஒன்றும் தெரியவில்லை. ஆனாலும் அவ்வப்போது வெளியில் வந்து நம்மை கடந்து சென்ற அம்மணிகளால் ரொம்பவே பசியாறிப் போனோம்.டேபிள் ரெடியாக கொஞ்ச நேரம் ஆனதால் வெளியே அவர்களின் அழைப்பிற்காக காத்து இருந்த போது  கடந்து சென்ற அம்மணிகள் பதம் பார்த்தது என்னமோ நம் மனதை தான்.... 

நம்ம அழைப்பு வந்தவுடன் உள்ளே நுழைந்தால் ஒரே கூட்டம்.. சந்தைக்கடையில் நுழைந்த மாதிரி....ரெண்டு அம்மணிகள் இருந்தாலே அந்த இடம் கலகலத்து போய்டும்...உள்ளே ஊர்ப்பட்ட அம்மணிகள்... ஆங்காங்கே கொஞ்சம் சொல்லிக்கொள்கிற மாதிரி நம்மாளுங்க அம்மணிகளுக்கு துணையாய்..... ஒவ்வொரு டேபிளிலும் பத்து பதினைந்து பேராய்...என்னமோ கல்யாண பந்தியில் சாப்பிடுவது போல....வரிசையாய் போடப்பட்டு இருக்கின்றன டேபிள்கள்.வரிசை கட்டி சாப்பிடுகின்றனர்.அத்தனையும் நிரம்பி வழிகிறது அம்மணிகளால்.....டேபிள் காலியானதும் அடுத்த குரூப் ஆக்கிரமத்து கொள்கிறது.இப்படியே ரொம்ப பிசியாக இருக்கிறது இந்த ஹோட்டல்.இந்த சிட்டியில் இருக்கிற நல்ல டீசண்டான ஹோட்டல் இதுதான்.இதற்கு கீழே அர்ச்சனா ஃபுட் ஹோம் இருக்கிறது.

கொடுத்த மெனுவை பார்த்தால் அசத்தலாக இருக்கிறது.என்னென்னமோ மெனு இருக்கிறது.நண்பர்கள் ரெகுலர் வாடிக்கையாளர் என்பதால் அவர்களோட விருப்ப உணவுகள் ஆர்டர் செய்ய பட்டன.

ஆஃப்கானி சிக்கன், பேபி கார்ன், தவா சிக்கன், ஹைதராபாத் பிரியாணி, ஜல்ஜீரா, நான், முட்டை மசாலா, ஃபிரைடு ரைஸ், சில்லி சிக்கன் என ஏகப்பட்ட ...

சுட சுட வந்தது...சும்ம உரித்தகோழி கணக்காய்....ஆஃப்கானி சிக்கன்...செம டேஸ்ட்.. கொஞ்சம் கூட எண்ணையில்லாமல் தந்தூரி கணக்காய்.அதே மாதிரி சிக்கனின் கலரில்...மசாலா எதுவும் இல்லாமல் மிக அருமையாக காரம் உப்பு என செமையாக இருக்கிறது. இந்த ஹோட்டலின் ஸ்பெசல் இதுதானாம்.ரொம்ப நன்றாக இருக்கிறது.(ஒரு சில அம்மணிகளும் உரித்த கோழி கணக்கில் சும்மா செவ செவ ன்னு...பிரம்மன் படைத்த அற்புதமாய்...)

 

அதேமாதிரி சில்லி சிக்கனும். பேபி கார்ன் சில்லியும் மிக அருமை.சிக்கனை விட பேபிகார்ன் சுவை இன்னும் அதிகம்.ரொம்ப நன்றாக இருக்கிறது.

 

 

 

 

             (ஜல்ஜீரா சோடா )

ஹைதராபாத் பிரியாணி நன்றாக இருக்கிறது.மிக நீளமான பாசுமதி அரிசியில். இதுவும் நன்றாக இருக்கிறது.எல்லாம் முடித்து விட்டு கடைசியாக ஆர்டர் பண்ணினது ஜல்ஜீரா...புதினா மற்றும் சோடா கலந்த ஒரு பானம். இதன் உரைப்பு இன்னும் நம் நாக்கில் இருக்கிறது.அனைத்து நான்- வெஜ் உணவுகளின் செரிமான பானமாய் இது இருக்கிறது.
ஸ்டார்ட்டர் உணவுகளை சாப்பிடும் போது புதினா சட்னியும், மசால் வெங்காயமும் வைக்கின்றனர்.அதிலும் இந்த வெங்காயம் இருக்கே ...அனைத்தும் ஒரே சைசில்...உப்பு சுவையுடன்...புதிதாய் இருக்கிறது...

கிட்டதட்ட ஒருமணி நேரம் ஆகிவிட்டது அனைத்தும் காலி பண்ண அருகருகே அம்மணிகள் அமர்ந்து இருந்ததால் என்னவோ அதிகம் இறங்க வில்லை.ஆஃப்கானி சிக்கன் போலவே நல்ல வெள்ளை வெளேர் என நிறைய அம்மணிகள்...சாஃப்ட்வேர் வேற....அழகுக்கு சொல்லவா வேணும்..

அப்புறம் விலையை பத்தி கேட்கவே வேணாம்..சாஃப்ட்வேர் ஆளுங்களுக்கு ஏத்த மாதிரி தான்..செம விலை.

மஹிந்தரா வோர்ல்ட் சிடியில் இருக்கிற அத்தனை சாஃப்ட் வேர் கம்பெனி ஆளுங்களுக்காக மட்டுமே இது இருக்கு.வெள்ளிக்கிழமை மட்டும் பயங்கர கூட்டமாய் இருக்கும்.கும்பலாய் கடலை போட இருக்கிற ஒரே இடம் இது தான்.எப்பவாவது அந்த பக்கம் போனீங்கன்னா அம்மணிகளை சாரி ஆஃப்கானி சிக்கனை ரசிக்க  சாரி  ருசிக்க மறந்திடாதீங்க..போகும்போது பர்ஸ் நல்லா கனமா இருக்கட்டும்...
முன்பே டேபிள் புக் பண்ண 044 - 27460028; 9282199916, 

கிசு கிசு : எங்கடா ஒரு அம்மணி போட்டோ கூட இல்லையேனு கேட்டிடாதீங்க..இதை எடுக்கவே எவ்ளோ கஷ்டப்பட்டேன்.கண்ணுக்கும் வயிற்றுக்கும் செம ருசி தான் இங்க...

அம்மணிகள் 

அப்பப்ப 

கிராஸ் பண்ணியதால்

கிளாஸ் போல 

சுக்கு நூறாகியது 

என் இதயம்

நேசங்களுடன்
ஜீவானந்தம்

இன்னும் கொஞ்சம்...

குடிமகன்களின் தேசம் -பாண்டிச்சேரி - ஒரு பார்வை

குடிமகன்களின் தேசம் -  பாண்டிச்சேரி ஒரு பார்வை...மறுபடியுமா....

எச்சரிக்கை

       மது உடலுக்கு தீங்கானது 

இந்த பதிவில் உள்ளவை அனைத்தும் எனது சொந்த அனுபவமே.யார் மனதையும் புண்படுத்துவதற்காக இல்லை.விருப்பமுள்ளவர்கள் தொடரலாம்.இல்லையேல் 
இந்த பதிவை படிப்பதை தவிர்த்து விடுங்கள்....
இது கண்டிப்பாக  குடிமகன்களுக்கு மன்னிக்கணும் நம்ம பங்காளிகளுக்கு  மட்டும்.

         

        செங்கல் பட்டு போய்ட்டு ரிட்டர்ன் வரும்போது விழுப்புரம் வந்தவுடன் வண்டி கொஞ்சம் தள்ளாட ஆரம்பித்தது.சரி ஏதோ சமிக்ஙை செய்யுது அப்படின்னு பார்த்தா வண்டி பாண்டிச்சேரி போற ரோட்டுக்கு  பக்கத்துல நிக்குது..சரி வந்தது... வந்தோம்....பார்த்துட்டே போவோம் பாண்டியை அப்படின்னு கிளம்பினேன்.

விழுப்புரம் ரொம்ப டிராஃபிக்...மெதுவாகவே வண்டி ஊற மனசுக்குள் வேகம் எடுக்க ஆரம்பித்தது.செல்லும் வழியில் தென்பட்ட அம்மணிகளில் மனம் லயிக்க மறுத்தது.என் மனதை படித்தது போல பாய்ந்து சீறியது என் சிங்கம்.(அதாங்க நம்ம வண்டி...)

விழுப்புரத்தில் இருந்து இருபது இருபத்தஞ்சு கிலோ மீட்டருக்குள் பாண்டி பார்டர் வர ரொம்ப சந்தோசமாக இருந்தது....போலிஸ் செக் போஸ்ட் கள் பாண்டி பார்டர் வந்துவிட்டதை ஞாபக படுத்தின....புதுச்சேரி அரசின் முத்தமிழ் வாயில் நம்மை வரவேற்றது.

 

அப்படி ஒண்ணும் சுத்தி பார்க்க போறது கிடையாது.போறதே கொஞ்சம் நம்ம ஜாதிக்காரங்களை பார்க்கத்தான்.வழி நெடுக நமக்கான கடைகள் நிறைய இருக்க, ஆங்காங்கே பங்காளிகளின் நடமாட்டம் அதிகமாக இருக்க மனம் மிக மகிழ்ச்சி அடைந்தது...கொஞ்ச நேரத்தில்  சரியான இடத்தில் வண்டி நிற்கவே அங்கே  இருந்த ஒரு புதுச்சேரி அரசின் மதுபானக் கடை நம்மை வரவேற்றது.

கை பரபர வென துடிக்க கால் முன்னேறி செல்ல கடைக்குள் உள்ளே நுழையவும் நமக்கு முன்னே  ஏற்கனவே ஒரு கூட்டம்..ரொம்ப பேருக்கு இதுதான் வேலை போல...நம்மளை மாதிரியே....இந்த கடையை பத்தி சொல்லி யாகணும்..எவ்ளோ நீட்டா இருக்கு.கொஞ்சம் கூட குப்பை இல்லாமல் மிக நன்றாக வைத்து இருக்கின்றனர்.நம்ம டாஸ்மாக் நினைச்சா படு கேவலம்...சுகாதாரம் லாம் சுத்தம் நம்ம ஏரியாவுல....ஆனா இங்க பரவாயில்லை...

 

அங்கே இருந்த குடிமக்களில் நானும் ஒருவனாக ஆனேன்.நம்ம ஃபெவெரைட் பக்கார்டி ஆர்டர் செய்து விட்டு அப்படியே சைட் டிஷ் எல்லாம்ஆர்டர் செய்தேன்.

நமக்கு பிடித்த நெத்திலி ஃபிரை, நண்டு வறுவல், சங்கரா மீன், சுண்டல், என அனைத்தும்...

 

பாண்டியில் எப்பவும் சைட் டிஷ் மிக நன்றாக இருக்கும்.தனி கவனம் எடுத்து செய்வார்கள் போல...அவ்ளோ சுவை.

முதலில் வந்தது  நெத்தில் ஃபிரை.மிக டேஸ்ட்.மொறு மொறு வென....அருமை...அதிகமா விரும்பி சாப்பிடுவது சரக்குக்கு அப்புறமா இதுதான்...

சங்கரா மீன் ....தோசைக்கல்லில் சுட்டு கொண்டு வந்து இருந்தனர்.கொஞ்சம் கூட எண்ணை இல்லாமல் மிக சுவை உடன்.....

நண்டு....நல்ல சுவை...பொடி பொடி நண்டாய் நிறைய...ஒவ்வொன்றையும் கடித்து கடித்து இருக்கிற சாறை உறிஞ்சி  எடுத்து விட்டு  கீழே போட வெறும் ஓடு மட்டும்  ஓடியது.
அப்புறம்...ஆப்பாயில்...இதை சொல்லவே வேணாம்...அவ்ளோ பிடிக்கும்...எல்லா விலையும் ரொம்ப குறைவு தான்.சரக்கு விலையும் கம்மி தான்.அப்புறம் ஒரு ரெண்டு மணி நேரம் இந்த தேசத்தில் குடிமகனாய்  இருந்து விட்டு கிளம்பினேன்.

 

கிளம்பும் போது மனசுக்குள் ஒரு சின்ன தடுமாற்றம்...நாம பெட்ரோல் போட்டுகிட்டோம். நம்ம வண்டிக்கும் எதாவது கருணை காட்டணுமே அப்படின்னு  பக்கத்துல இருந்த பங்க்ல வண்டிக்கு டீசல்  ஃபில் பண்ண சொன்னேன்.பார்த்தா டீசல் விலையும் குறைவுதான்.48.06 பைசாதான். பரவாயில்லையே...எல்லாம் கம்மியா இருக்கே அப்படின்னு ரொம்ப சந்தோசத்துடன் கோவை திரும்பினேன்...கூட அடுத்த நாளுக்கு உண்டான சங்கதிகளுடன்...

 குடிமகன்களின்
தேசத்தில்
நானும்
ஒரு
அரசனாகவே
இருக்க விரும்புகிறேன்.

இதுக்கு முன்னாடி போன அனுபவம் குடிமகன்களின் தேசம்

கிசு கிசு : மது உடலுக்கு தீது. ம்கூம்..இப்படி எல்லாம் சென்சார் போட வேண்டி இருக்கு..அப்புறம் இதை படித்து விட்டு உங்கள் கை அரித்தால் கம்பெனி பொறுப்பாகாது....

நேசங்களுடன்
ஜீவானந்தம்

இன்னும் கொஞ்சம்...

பேஸ்புக் கவிதைகள் - 2

எவ்வளவோ  வேலைப் பளு இருந்தாலும் அவளின் நினைவுகளில் நனைவது சுகம்.அவளின் இடைவிடாத நினைவுகளில் நலிந்து போனதால் வந்த கவிதைகள். இதுவும் பேஸ் புக்கில் கிறுக்கியவை...

மனம் லயிக்க

மறுக்கிறது எதிலும்

மங்கை உந்தன்

நினைவுகளால்.......

நாட்கள்

நன்றாய் செல்கிறது

தினந்தோறும்

உன்

நினைவுகளுடன்

இரவைக் கழிப்பதில்

கொஞ்சம்

இடர்பாடாய்

இருக்கிறது

இனியவளின்

நினைவுகளால்....

 

மீண்டு வர 

முயற்சிக்கிறேன்

முடியவில்லை 

நித்தமும்

அவளது 

நீங்காத

நினைவுகளால்

 

இனியவளின்

இடைவிடாத

நினைவுகளால்

நிரம்பி வழிகிறது

என்

இதயம்....

அள்ள அள்ள

குறையாத

அட்சய பாத்திரமாய்

அவளின்

ஞாபகங்கள்...

இறைக்க இறைக்க

ஊறுகிறது

இனியவளின்

ஞாபகங்கள்

என்

இதய கேணியில்....

விழி மூட

விருப்பமில்லை

விரும்பியவளின்

முகம்

விழித்திரையில்

இருப்பதால்....

உன்

விழிகளின்

உரசலில்

உடைந்து போனது

என்

இதயம்

இரும்பாய்

இருந்த

இதயம்

இளகியது

இனியவளின்

வருகையால்.......

 

வஞ்சி அவளை

வர்ணிக்க

வார்த்தைகளை தேடுகிறேன்

புலப்படவில்லை எதுவும்

புதிதாய்....

உணருகிறேன்

உயிர்ப்புடன்

உள்ள காதலை

அவள்

இல்லாத தினங்களில்....

சிலிர்க்கிறது

என் மனம்

நீ

எனக்குள்

செலுத்தி விட்டு

சென்ற காதலால்.....

 

எனக்குள் இருக்கும்

கவிஞனின் உறக்கம்

கலைத்த பெருமை

உனக்கே வாய்க்கட்டும்...நன்றி ....அவளுக்கு....

கிசு கிசு: அவள் யாருன்னு கேட்டிடாதீங்க... நம்ம அம்மணி கோச்சுக்கும் ......ஹி..ஹி..ஹி....

நேசங்களுடன்

ஜீவானந்தம்.

இன்னும் கொஞ்சம்...

விபத்து - ஒரு பார்வை

விபத்து...

சாலை விபத்துகளை தினமும் பேப்பர்ல  பார்க்கும் போது மனம் பதபதைக்கும். இதையே நாம நேரில பார்க்கும் போது எப்படி இருக்கும்.நான் பயணிக்கிற வெவ்வேறு  ஊர்களில் விபத்துகுள்ளாகி கிடக்கிற வாகனங்களை பார்க்கும் போது மனம் அனிச்சையாக அவர்களுக்கு என்ன ஆகி இருக்குமோ..எத்தனை பேர் இறந்திருப்பார்கள், உடல் ஊனம் அடைந்து இருப்பார்களா, குழந்தைகள் பாதிக்கப்பட்டு இருப்பாங்களா என எண்ண தோன்றும்.அவர்களுக்காக ஒரு நிமிடம் மனம் பிரார்த்தனை செய்யும்.இது மாதிரி நமக்கும் ஏற்பட்டிட கூடாது என எண்ணவும் தோன்றும்.

அதனால் தான் நான் கொஞ்சம் முன் எச்சரிக்கையுடன் பயணம் மேற்கொள்கிறேன் எப்போதும்.

எப்பவும் வண்டி தவறு செய்யாது, வண்டியில் ஏற்படக்கூடிய எதிர்பாராத கோளாறுகள் பஞ்சர் ஆவது, பிரேக் பிடிக்காமல் போவது போன்றவைதான்.இவைகளை கட்டுப்படுத்தி விடலாம்.

விபத்து ஏற்பட முக்கியமான காரணம் வண்டி ஓட்டுனர்கள் தான்.

அதிகாலையில் ஓட்டுனரின் தூக்க கலக்கம், ஓட்டுனருக்கு ஒய்வு இல்லாமை, மது அருந்தி விட்டு ஓட்டுவது, செல்போன் பேசிக்கொண்டு ஓட்டுவது, போக்குவரத்து விதிகளை மீறுவது, வேகமாக வண்டி ஓட்டுவது, என எல்லாம் மனித தவறுகள் தான்.இயந்திர கோளாறு என்பதே இல்லை.

குப்பனோ சுப்பனோ கார் வாங்கி பராமரிக்கும் அளவுக்கு அவர்களால்  முடிவதில்லை.கார் வைத்து இருப்பவர்கள் அனைவரும் பெரும்பாலும் வசதி படைத்தவர்களும், அதிகம் படித்தவர்களும் தான். இவர்களால் தான் அதிகம் விபத்து ஏற்படுகிறது.

அலட்சியம்..அது மட்டுமே எப்போதும் இருக்கிறது.சிக்னலில் இரண்டு நிமிடம் காத்து இருக்க முடியாது.அதே சமயம் ஹோட்டல் மற்றும் தியேட்டர்களில் மணிக்கணக்காய் காத்து இருக்க முடியும்.
அவசர உலகில் நிதானம் என்பதே இல்லாமல் போய் விட்டது.விபத்தினால் பாதிக்கப்படுவது நாமும் நமது குடும்பமும் தான் என்பதை உணர மறுக்கின்றனர்.
அதே சமயம் எங்காவது நடுரோட்டில் விபத்துக்குள்ளாகி இருப்பவர்களை காப்பாற்ற முயற்சிக்காமல் கடந்து போகும் சில பேர்   மனிதாபிமானம் அற்ற மானிடர்கள் அற்ப பதர்கள்.

ஒருவேளை உங்களுக்கு என்றாவது ஒருநாள் விபத்து ஏற்படும் போது அந்த தவிப்பின் வீரியம் நிச்சயமாய் தெரியும்.
 நான் செல்லும் வழிகளில் ஒரு சில இடங்களில்  ஏற்பட்ட விபத்துகளில் என்னால் ஆன சிறு உதவிகளை செய்து இருக்கிறேன்.எங்காவது ..எப்போதாவது... எனக்கு ஏதாவது நேரும் பட்சத்தில் உதவி செய்வார்கள் என்கிற நம்பிக்கையில்.....

(மேலே இருக்கிற புகைப்படங்கள் அனைத்தும் ஊர் ஊராய் சுத்தும் போது செல்லும் வழிகளில் எடுத்தவை..)

நேசங்களுடன்

ஜீவானந்தம்

இன்னும் கொஞ்சம்...

மருதாணி - மலரும் நினைவுகள்

மருதாணி....

இதை சொல்லும் போதே அம்மணிகளுக்கு ரொம்ப பிடிக்கும்.மருதாணியை பிடிக்காத அம்மணிகளே இல்லை எனலாம்.இது பெண்கள் மட்டுமல்ல என்னை போன்ற கிராமத்தில் பிறந்து வளர்ந்த ஆண்களுக்கும் பிடிக்கும்.

எங்க ஊருல திருவிழா நடக்கும் போது ரெண்டு நாளைக்கு முன்னாடியே சொந்தகாரங்க எல்லாம் வருவாங்க.அன்னிக்கு சாயந்திரமே மருதாணி இலை பறிக்க கும்பலா குவிஞ்சு செடிய மொட்டையாக்கி எல்லாத்தையும்  ஆட்டுக்கல்லில் அரைப்பாங்க.

எங்க  வீட்டு மருதாணி செடி

இரவு சாப்பிட்டவுடன் உட்கார்ந்து ஒரு கும்பலே மருதாணி வைக்கும்.இரண்டு கைகளிலும் வச்சிக்கிட்டு ரத்த கண்ணீர் படத்துல எம் ஆர் ராதா வர்ற மாதிரி குஷ்டம் பிடிச்ச கைய வச்சிக்கிட்டு கொஞ்ச நேரம் வெளிய சுத்துவோம்.பாயில படுக்கும் போது மல்லாக்க போட்ட சிக்கன் மாதிரி படுப்போம்.ஆனா காலையில் பார்க்கும் போது கைல ஒரு பொட்டு மருதாணி இருக்காது.எல்லாம் போர்வையிலும் பாயிலயும் ஒட்டி இருக்கும்.அதைவிட ஒரு சில நேரங்களில் சிவந்திடுச்சா என வச்ச ஒரு மணி நேரத்திலேயே கைகளை கழுவி விடுவோம்.காலையில் எழுந்து யார் கை ரொம்ப சிவந்து இருக்கு, யாருக்கு பித்தம் இருக்கு அப்படின்னு ரொம்ப ஆராய்ச்சி பண்ணிட்டு இருப்போம்.அம்மணிகள் எல்லாம் உள்ளங்கைல ரவுண்ட் போட்டு சுத்தியும் சின்ன சின்ன புள்ளியா வைப்பாங்க.

     பசங்க ஒரே ரவுண்டு மட்டும் வைத்து புள்ளி வைக்காம தொப்பி போட்டு இருப்பாங்க விரல்களில்.ரொம்ப மகிழ்ச்சியான தருணங்கள் அவை.இதெல்லாம் கிராமத்துல மட்டும் தான்.இப்போ மெஹந்தி அப்படின்னு கண்ட கண்ட கலர்ல எல்லாம் வைக்கிறாங்க.இதனால் சில பேருக்கு அலர்ஜி வரும்.உடம்புக்கு சேராம போய்டும்.

மருதாணி ஒரு மருத்துவ குணம் வாய்ந்த ஒரு செடி.அழகுக்காக மட்டும் இதை பயன்படுத்தவில்லை.இதன் மூலம் பல்வேறு பயன்கள் ஏற்படுகின்றன.

உடல் சூடு தணிக்கவும் கைகளில் மருதாணி இடுவர்.இன்னும் பல தகவல்கள் நம்ம சங்க தலைவர் சங்கவி பிளாக்ல  விரிவா இருக்கு.

கடைகளில் விற்கும் மருதாணி பேஸ்ட்களில் இத்தகைய மருத்துவ குணங்களை எதிர்பார்க்க முடியாது.அலர்ஜி வரும் வாய்ப்பு இருக்கிறது.

 

இப்போ ஒவ்வொரு முறையும் வீட்டுக்கு செல்லும் போது மறக்காம அம்மா ஆசையா அரைச்சு என் கையில் வச்சிடுவாங்க.அதுல அன்பு எப்போதும் நிறைந்து இருக்கும். கை சிவக்குதோ இல்லையோ அம்மாவுடைய அன்பு சிவந்து இருக்கும்.

 

எப்பவும் என் கையில் மருதாணி வச்சி இருப்பேன்.நிறைய பேரு கேட்பாங்க.என்ன இது நீங்கலாம் இதை வைக்கிறீங்க அப்படின்னு.. அவங்களுக்கு தெரியுமா இது அம்மா அன்பை கலந்து வச்சது என்று.

நேசங்களுடன்

ஜீவானந்தம்

இன்னும் கொஞ்சம்...

நாகாவதி அணை, எர்ரபட்டி, பென்னாகரம், தருமபுரி

தொப்பூர்ல இருந்து குறுக்கு வழியில் ஒகேனக்கல் செல்லும் போது ஜருகு, அரக்காசன ஹள்ளி என்கிற ஊரினை தாண்டி நாகாவதி அணை என்கிற ஒரு போர்டு பார்த்தோம்.எர்ரப்பட்டி என்கிற இடத்தில் இந்த அணை இருக்கிறது.சரி எதோ பெரிய அணை போல ..என்று நம்ம்...பி உள்ளே புகுந்தோம்.இருபுறமும் வயல் வெளிகள் பசுமையுடன் இருக்க இந்த அணை தான் காரணம் என்பது பார்க்கும் போதே தெரிகிறது.கரும்பு தோட்டங்கள், நெல் வயல்கள், பூந்தோட்டங்கள் என வழி நெடுக இருக்கின்றன.
மெயின் ரோட்டிலிருந்து 4 கிலோ மீட்டர் தொலைவில் இருக்கிறது.ரோடு கொஞ்சம் மோசம்தான்.இருந்தாலும் புதிய இடத்தை காண வேண்டி செல்கையில் ஒன்றும் தெரியவில்லை.ஊரினை அடைந்தவுடன் அணையை தேடிப் பார்த்ததில்  ஊரின் அருகிலேயே ஒதுக்கு புறமாக  நாகாவதி ஆறு மேல் அணை கட்டப்பட்டு இருக்கிறது.
புரட்சித்தலைவர் எம்ஜியார் அவர்களால் திறக்கப்பட்டு இதன் சுற்றுப்புற ஏரியாவில் இருக்கிற பாசன பகுதிகளுக்கு உதவும் வகையில் நீர் தேக்க அணையாக இருக்கிறது.மலைகளுக்கு இடையில் வரும் நாகாவதி ஆறு இங்கு தடுக்கப்பட்டு பாசனத்துக்காக பயன்படுத்த படுகிறது. ஒகேனக்கல் கீழ்பகுதி காவிரியாற்றில் கலக்க கூடிய நான்கு துணையாறுகளாக   சின்னாறு, பாலாறு, தொப்பையாறு, நாகாவதி ஆகியன இருக்கின்றன.

 

    நாகாவதி அணைக்கட்டில்  இருக்கின்ற தெய்வங்கள்

 

 

 

 

ஏதோ அந்த பக்கம் போனதால் இப்படி ஒரு அணை இருப்பதை தெரிந்து கொண்டேன்.(வரலாறு..?).

இந்த ஊரினை பற்றி நம்ம கூகுளில் தேடியபோது கிடைத்த விசயங்கள்:

தருமபுரியில் இந்தியன் கல்வி அறக்கட்டளை நிறுவி நடத்தி வரும் ஜெயபாண்டியன்  என்பவர் இந்த ஊர் அரசு பள்ளி மாணவர்களோடு சேர்ந்து 3ஜி மொபைல் போன் மூலம் இயங்கும் தானியங்கி ரோபோ துப்பாக்கியை வடிவமைத்துள்ளார்.

இன்னொரு விசயம் இந்த ஊரினை சார்ந்த பரமேஸ்வரன் என்கிற மாணவன் வீர, தீர செயலுக்காக, டில்லி குடியரசு தின விழாவில் விருது பெற்று வந்து இருக்கிறான்.நாகாவதி அணை நீர் பகுதியில் குளித்து பள்ளத்தில் சிக்கிகொண்டு நீரில் உயிருக்கு போராடிய சரண்யா, ஆர்த்தி, புவனேஸ்வரி ஆகியோரை துணிகளை கயிறாக பயன்படுத்தி மேலே மெல்ல இழுத்து, அவர்களின் தலைமுடியை பிடித்து வெளியில் இழுத்து காப்பாற்றினானாம்  நீச்சல் தெரியாத பரமேஸ்வரன்.

எப்படியோ....அணைக்கு போய் இந்த ஊரினை பற்றி அறிந்து கொள்ள முடிந்தது. 

நல்ல  லொகேஷன்.அமைதியாக இருக்கிறது.அப்படி ஒண்ணும் பெரிய சுற்றுலா தளம் இல்லை.ஒரு நீர்த் தேக்க அணை.ஆனால் மாலைபொழுதை ரசிக்க ஏற்ற இடம்.அப்புறம் எப்பவும் போல நம்ம சொந்த காரங்களுக்கு ஏற்ற இடம்..எல்லாம் செஞ்சு / வாங்கி எடுத்துட்டு போய் ரம்மியமான சூழலில் உட்கார்ந்து கதை பேசிக்கொண்டே சாப்பிடலாம்.(எதை அப்படின்னு கேட்க கூடாது..).அணை முழுவதும் வெள்ளம் தேங்கி இருக்கும் போது பார்க்க மிக அழகாக இருக்குமாம்.ஆடி 18 விசேசம் இங்கு மிக நன்றாக இருக்குமாம்.அந்த ஊர் தலைக்கட்டு ஒருத்தர் சொன்னது இது.

நேசங்களுடன்

ஜீவானந்தம்

இன்னும் கொஞ்சம்...