கோவை மெஸ் - தமிழக உணவுகள், சிங்கப்பூர்

இப்போ சமீபத்துல சிங்கப்பூர் போயிருந்தேன்.அங்க வித விதமா உணவு வகைகள் இருந்தாலும் நமக்கு எதுவுமே செட் ஆகல.வெறும் பர்கர், பீர் அப்படின்னு சாப்பிட்டு உடம்பை தேத்தினேன்.ஆனாலும் கிடைச்ச இடத்துல என்னென்ன இருந்துச்சோ அதை ஒரு கை பார்த்திட்டேன்.என்ன இருந்தாலும் நம்ம ஊரு மாதிரி வருமா..நல்ல காரம் சாரமா...மூக்குல ஒழுகற மாதிரி நல்லா சுருக்ன்னு...சிங்கப்பூர்ல தமிழர்கள் நிறைய பேர் வசிக்கிறதால் என்னவோ பெரும்பாலான கடைகளில் தமிழக உணவுகள் கிடைக்கின்றன. அதிகமாய் தமிழர்கள் புழங்கும் இடமான லிட்டில் இந்தியாவில் ஏகப்பட்ட கடைகள் இருக்கின்றன.கிட்டத்தட்ட அந்தந்த ஏரியாவில் இருக்கிற... கிடைக்கிற தமிழக உணவுகளை சாப்பிட்டிருக்கிறேன்.

அதே போல் சிங்கப்பூர் வாசிகள் விரும்பி சாப்பிடும் உணவு வகைகளையும் சாப்பிட்டு இருக்கிறேன்.பிரியாணிக்கு அப்பளம் தருவதை இங்கு தான் பார்க்கிறேன்.அதே போல் காரம் சாரமாக வேண்டும் என்று நம் உணவுகளை விரும்பி வாங்கி சாப்பிடும் வெளிநாட்டினரையும் பார்க்கிறேன். மொத்தத்தில் நன்றாக இருக்கிறது சிங்கப்பூர் தமிழக உணவுகள்.

காரசாரமா இருக்கிற உணவுகளை பார்த்துட்டு வரும் ஏக்கப்பெருமூச்சினை தவிர்க்க ஜில்லுன்னு இருக்கிற மாதிரி இந்த போட்டோ...

கிசுகிசு : வெளிநாட்டுல அம்மணிகள் இப்படித்தான் அரைகுறையா சுத்தி நம்மள சேது கணக்கா ஆக்குதுங்க...ஹிஹிஹிஹி...

பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்

ஜீவானந்தம்

இன்னும் கொஞ்சம்...

கரம் - 10

டிவி  நேரம் : 
வீட்ல டிவி நிகழ்ச்சிகளை பார்த்துட்டு இருந்தபோது துப்பாக்கி படத்தோட விளம்பரம் வந்தது..நான் வச்சிருக்கிறது ஏர்டெல் டிஷ் டிவி அதுல ஒரு குறிப்பிட்ட சேனலில் ஒளிபரப்பாகும் படத்தினை பார்க்கனும்னா புக் பண்ணனும்.அதுக்கு தான் விளம்பரம்.அதுல துப்பாக்கி அப்படின்னு போடறதுக்கு பதிலா தீப்பக்கி ன்னு போட்டு காசாக்கிகிட்டு இருந்தாங்க.அடப்பாவிகளா.....தமிழைக் கூட ஒழுங்கா எழுத தெரியாம...? அட பக்கி களா...? தமிழ் நாட்டுல தான் இந்த கொடுமையெல்லாம்...

******************************************

காமெடி சூப்பர்ஸ்டாரான சந்தானம் நடிச்ச முதல் படம் சிம்பு கூடத்தான் அப்படின்னு சொல்றாங்க.ஆனா சந்தானமோ நிறைய துக்கடா படங்களில் ஜூனியர் ஆர்டிஸ்டாக நடித்து இருப்பார் போல...அப்படித்தான்  இந்த படத்தினை பார்க்க நேர்ந்தது.குணாலும் சந்தானமும் ஒரு சீனில் தோன்றும் பேசாத கண்ணும் பேசுமே அப்படிங்கிற படம்.(அதையும் உட்கார்ந்து பார்த்து இருக்கேனா பார்த்துங்குங்க...) நடிக்கவே தெரியாத ஒரு நடிகர் யாருன்னா அது குணால் தான்.அவர் மட்டும் இப்போ இருந்தா தினம் தினம் நாம செத்துட்டு இருப்போம்..

***************************************

சாவித்திரி

என்ன அழகு....கருப்பு வெள்ளை காலத்தில் கொடிகட்டப்பறந்த மிகச்சிறந்த அழகி...நடிகையர் திலகம்னு சும்மாவா சொன்னாங்க...

**********************************

ப்ரூக் பீல்ட் மாலில் வெள்ளிக்கிழமை அன்னிக்கு வெட்டியா உட்கார்ந்திட்டு இருக்கும் போது பக்கத்துல இருந்த ஒரு பிரியாணி கபாப் கடைக்கு அய்யர் வந்தாரு.அட...அப்துல் காதருக்கும் அமாவாசைக்கும் என்ன சம்பந்தம் அப்படின்னு யோசிக்கும் போதே தலைவர் உள்ளே நுழைந்து பூஜை புனஸ்காரங்களை செய்ய ஆரம்பிச்சாரு....அனேகமா இப்படித்தான் சொல்லி இருப்பாரோ....

ஓம் சிக்கன் பிரியாணி நமஹ...

நல்லா விக்கணும் நமஹ.....

ஓம் தந்தூரி சிக்கன் நமஹ...

தாராளமா போகணும் நமஹ...
ஓம் கபாப் சிக்கன் நமஹ..
கும்பலாய் வரணும் நமஹ...

பத்தி, சூடம் காண்பிச்ச பின்னாடி பிரசாதமாய் சில்லி சிக்கன் தருவார்னு நினைச்சோம் ஆனா தரவேயில்லை..

****************************************

பிடித்த பாடல்:

எதேச்சையா இந்த பாட்டை கேட்டபோது ரொம்ப பிடிச்சிருந்தது. குழந்தையோட அழகான வாய்சில இந்த பாட்டுல ரொம்ப அசத்தலா இருந்தது.வர்ஷா ரஞ்சித் என்கிற சின்னப்பெண் பாடி இருக்கு.ஜிதின் ரோசன் என்பவர் இசை அமைத்திருக்கிறார்.இந்தப்பாட்டு குழந்தைகளுக்கு ரொம்ப பிடிக்கும்.ஆனா படம் தான் ஊத்திக்கிச்சு.

பாடல் : நரிவருது நரிவருது

படம் : தீக்குளிக்கும் பச்சை மரம்

*******************************

பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்

ஜீவானந்தம்

இன்னும் கொஞ்சம்...

சந்தையில் ஒரு நாள் - பொன்மலை , திருச்சி

திருச்சி, பொன்மலை, ஒரு ஞாயிற்றுக்கிழமை வேளை...ரொம்ப சிறப்பா கொண்டாடணும்னு காலையிலேயே ஆரம்பிச்சுட்டு ஒரு 7 மணி வாக்கில் கிளம்பினோம் சந்தைக்கு.கூட்டம் கூட ஆரம்பித்துக் கொண்டிருந்தது. ஆங்காங்கே அம்மணிகள் தெரிய ஆரம்பித்தனர்.நிறைய பேர் தத்தம் குடும்பத்துடன் வந்திருந்தனர்.குழந்தைகளும் ஆர்வத்துடன் அனைத்தையும் அறியும் பொருட்டு வந்திருந்தனர்.எல்லாத்தையும் நோட்டம் விட்ட படியே மீன் வாங்கும் இடத்திற்கு சென்றோம்.வகை வகையான மீன்கள் வாடிக்கையாளர்களை வரவேற்றுக்கொண்டிருந்தது.இன்னிக்கு யார் வீட்டுல எந்த மீன் குழம்போ என யோசித்துக்கொண்டே கூட்டத்தில் ஐக்கியமானோம்.

ஒரு வேனில் உயிரோடு மீன்களை வைத்து விற்றுக்கொண்டிருந்தனர் ஆற்றில் பிடித்தது மட்டுமில்லாமல் இங்கு வேனிலும் மீன் பிடித்துக் கொண்டிருந்தனர்.நம்ம காவிரி ஆத்து ஜிலேபி மீன் தான்.உயிரோட கிலோ 160.( செத்த மீன்களை யாரும் வாங்க மாட்டாங்க போல..)அதுக்கும் கூட்டம் அலை மோதுது.

பொறுமையா முதலில் ஒரு ரவுண்ட் வந்தோம் ஏற்கனவே ரவுண்ட் கட்டி இருப்பதால்...என்னென்ன மீன்கள் எவ்ளோ விலை என்பதை எல்லா கடையிலும் விசாரித்து கொண்டு எந்த கடையில் விலை குறைவாக இருக்கிறதோ அங்கு குவிந்தோம்.பாறை, வஞ்சிரம், நெய்மீன், நண்டு, இறால், வாவல், சங்கரா, ஜிலேபி, விரால், கெண்டை, என ஏகப்பட்ட வகைகள். வாழை இலையில் கும்பலாய் குவித்து வைக்கப்பட்டிருந்தன.

நெய் மீன் வாங்கினோம்.ஃபிங்கர் ஃபிஷ் ஃபிரை செய்வதற்காக...(அந்த செய்முறை யை போட்டோ எடுக்க மறந்துட்டேன் )

பொறிப்பதற்கு கிழங்கா மீன் வாங்கினோம்.விலை ரொம்ப சல்லிசாக இருக்கிறது.ஒன்னரை கிலோ 100 மட்டுமே.அப்புறம் சங்கரா மீன்.குழம்பு வைப்பதற்காக.அதுவும் விலை குறைவே..

மூன்று மீன்களையும் வாங்கி அங்கேயே ஒரு பையனிடம்  கொடுத்து சுத்தம் செய்து வாங்கினோம்.(கிலோவிற்கு 10/15 வாங்குகிறார்கள்.பள்ளியில் படிக்கும் மாணவர்கள் அதிகமாக இருக்கிறார்கள்) அப்புறம் அம்மணிகள் ஏரியாவான காய்கறி விற்கும் இடத்தில் சமையலுக்கு தேவையான மற்ற பொருட்களையும் வாங்கிவிட்டு நேரம் பார்க்க இன்னும் ஒரு சில நிமிடங்களே இருந்தது நம்ம கடை திறக்க.இப்போ கிளம்பினால் பார்சல் வாங்கிகொண்டு போக சரியாக இருக்கும் என்றெண்ணி கிளம்பினோம்.

அதுக்கப்புறம் என்ன..மீன் வேக வேக நாங்களும் வெந்து கொண்டிருந்தோம்.ஒரே மஜா தான்.

பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்

ஜீவானந்தம்

இன்னும் கொஞ்சம்...

கோவை நேரம் - சிங்கப்பூரில்

புதிய வானம்.... புதிய பூமி...

நம்ம நேரம் இப்போ இண்டர் நேசனல் நேரமாகி இருக்கிறது.ஆம்.இப்போது நான் சிங்கப்பூர்ல இருக்கேன்.இன்று காலை தான் சிங்கை ஏர்போர்ட் வந்தடைந்தேன்.ஒரு வாரம் சிங்கப்பூர்ல தான் டேரா...என் வாசகப்பெருமக்களை சந்திக்க போகிறேன்.என்னை வரச்சொல்லி அழைப்பு விடுத்த (அப்படியே டிக்கெட் போட்டு தங்கறதுல இருந்து திங்கறது, தூங்கறது வரைக்கும் எல்லா செலவும் பண்ற ) அந்த நண்பருக்கு நன்றி. ஏற்கனவே சிங்கப்பூர் போயிருக்கேன்.இந்த தடவை சிங்கை நண்பர்கள் கூட ஜாலியா இருக்க போறேன்.ஆகஸ்ட் 14 தான் சிங்கப்பூருக்கு சுதந்திர தினம்..ஏன்னா நான் தான் அங்கிருந்து கிளம்பிடுவேன்ல...ஹிஹிஹி.

சிங்கப்பூர், மலேசியா, இந்தோனேசியா என என் பயணம் மீண்டும் அமைந்து இருக்கிறது.

அக்கரை சீமை அழகினிலே.....

மனம் ஆடக் கண்டேனே.....

எவ்ளோ நாள்தான் உள்ளூர் அம்மணிகளை பார்ப்பது...செக்க சிவந்த வெளிநாட்டு  அம்மணிகள் வேற..சும்மா இருப்பமா.....ஹிஹிஹி

நம்மூருக்கு வந்தவுடன் ஒவ்வொரு பதிவா போட்டு கொன்னெடுக்கிறேன்

அதுவரைக்கும்......ஒரு சின்ன கேப். (ட்ராப்ட்ல இருக்கிறது ஒவ்வொண்ணா வெளில வரும்....ஹிஹிஹி )

பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்

ஜீவானந்தம்

இன்னும் கொஞ்சம்...

கோவை மெஸ் - சாந்தி கேண்டீன், (SHANTHI SOCIAL SERVICES )சிங்கா நல்லூர், கோவை

ரொம்ப நாளா போகணும்னு இருந்த சாந்தி கேண்டீன் ஆசை இப்போது நிறைவேறி விட்டது.ஒரு மதிய நேரம்...திருச்சி சாலையில் சிங்காநல்லூர் டூ ஒண்டிப்புதூர் செல்லும்  போது இருக்கிற சாந்தி பெட்ரோல் பங்க் தாண்டி இடது புறம் கேண்டீன் என்கிற போர்டினை கண்டு உள் நுழைந்தோம்.உள்ளே செல்ல செல்ல பாத சாரிகளின் கூட்டம் வெளியேறிக்கொண்டிருந்தது அவர்களின் முகத்தில் ஒரு வித திருப்தியினை காண முடிந்தது.

          காரினை பார்க் செய்து விட்டு டோக்கன் வாங்க கியூவில் நிற்க ஆரம்பித்தோம்.கிட்டத்தட்ட ஒரு பெரிய நடிகரின் முதல் நாள் சினிமாவிற்கு நிற்கும் கூட்டம் போல இருக்கிறது.தினமும் இதே போன்ற கூட்டம் இருக்கிறது.முதலிலேயே 13 வகைகளுடன் கூடிய முழு சாப்பாடு போர்டு நம்மை வரவேற்கிறது.வரிசையாக உள்ளே நுழைந்தோம்.

டிஜிட்டல் மெனுக்கள் போர்டுகள் பச்சையாய் ஒளிர்ந்து இன்றைய உணவுப்பொருட்களை  சுமந்து கொண்டிருந்தன.மொத்தம் நாலு கவுண்டர்கள் இருக்கின்றன.ஒவ்வொரு வரிசைக்கும் ஒரு கவுண்டர்.25 ரூபாய் கொடுத்து டோக்கன் வாங்கி கொண்டு முன்னேறினோம்.டோக்கன் வாங்கும் இடத்தில் பிரிந்து மீண்டும் ஒரே வரிசையாக உள் நுழைந்தோம்.

          நீண்டு செல்கிற வரிசை ஓரிடத்தில் கை கழுவி விட்டு மீண்டும் வரிசையாகவே செல்கிறது.உணவுக்கூடத்திற்குள் நுழையும் போது ஒரு கல்யாண மண்டபம் போல் விரிந்து கிடக்கிற ஒரு ஹாலுக்குள் எங்கும் மனித தலைகளே.மெல்லிசையில் புரட்சித்தலைவரின் பாடல்கள் கீதமாய் ஒலித்துக் கொண்டிருக்க ஏசி அறையினுள் ஆற அமர்ந்து மன திருப்தியுடன் சாப்பிட்டுக் கொண்டிருக்கின்றனர்.

              எங்களின் வரிசை உணவு கொடுக்கும் இடத்திற்கு வந்தவுடன் “Service to Humanity is Service to God.”  ஒரு என்கிற வாசகம் பொருந்திய சீருடை அணிந்த சிப்பந்தி டோக்கனை வாங்கிகொள்ள, சாப்பாட்டுக்கூடத்தில் இருக்கிற பணியாட்கள் பரபரப்பாக பம்பரமாக வேலை செய்து ஒரு பெரிய தட்டினுள் ஒவ்வொரு உணவாய் பொரியல், கூட்டு, சாம்பார், ரசம், வடை, அப்பளம், சப்பாத்தி, குருமா, சாதம், தயிர் பாயசம், வாழைப்பழம் என எல்லாம் வைக்க தட்டினை நகர்த்திக்கொண்டே ஒவ்வொன்றாய் வாங்கிக்கொண்டு இடம் தேடி அமர்ந்தோம்.சாப்பிட்டவர்கள் வெளியேற அந்த இடம் புதியவர்களின் வருகையால் நிரம்பிக்கொண்டிருந்தது.

                   முருங்கை சாம்பாரின் மணம் மூக்கைத்துளைத்தது.சாப்பிட்டு பார்த்ததில் அருமையோ அருமை.அதுபோலவே மிருதுவான சப்பாத்தி அதற்கேற்றார் போல குருமா, ரசம் சான்சே இல்லை..அவ்ளோ சுவையுடன் இருக்கிறது.பொறுமையுடன் சாப்பிட்டுவிட்டு வாழைப்பழத்தினை கடைசியாக எடுத்துக்கொண்டு பின் பாயசம் சாப்பிட ஆகா...என்ன ருசி...

            மறு சாதம் எவ்வளவு வேண்டுமானாலும் வாங்கிக் கொள்ளலாம்.ஆனால் முதல் தடவை வைக்கிற சாதமே வயிற்றினை நிரப்பி விடுகிறது.இந்த சாப்பாட்டினை வெளியில் எங்காவது ஹோட்டலில் சாப்பிட்டால் எப்படியும் 85 ரூபாய் இருக்கும்.ஆனால் விலை குறைவாக மக்களின் சேவைக்காக வெறும் 25 ரூபாய்க்கு வழங்குகின்றனர்.சுத்தமான சுகாதாரமான உணவினை இந்த விலைக்கு கொடுக்கின்றனர்.

          மேலும் கண்காணிக்க சீருடை அணிந்த ஆட்கள் நல்ல உபசரிப்புடன் அவ்வப்போது வழிகாட்டுகின்றனர்.மேலும் சாப்பிட்ட இடங்களை உடனடியாக சுத்தப்படுத்தி விடுகின்றனர் மற்றவர்கள் அமர்வதற்காக.சுத்தமான குடிநீரினை அவ்வப்போது சாப்பாட்டு டேபிளில் இருக்கிற ஜக்கினுள் நிரப்பிவிடுகின்றனர்.சாப்பிட்ட தட்டுக்களை உடனுக்குடன் வாங்கி கழுவதற்காக எடுத்துச்செல்லப்படுகின்றன.அதற்கென தனி இடம் வைத்திருக்கின்றனர்.

      பல்லாயிரக்கணக்கில் வரும் மக்களின் பசியினை தீர்க்கும் அட்சயபாத்திரமாக இருக்கிறது இந்த சாந்தி கேண்டீன்.மூன்று வேளையும் இங்கு உணவு குறைந்த விலையில் கிடைக்கிறது.மேலும் ஆதரவற்றோர் எளிய ஏழை மக்களுக்கு இலவச உணவு வழங்கும் இடமும் இருக்கிறது.கார் நிறுத்த பரந்து விரிந்த இடம், குழந்தைகள் விளையாட பார்க் ஏரியா என வசதிகள் அதிகமாக இருக்கின்றன.

இந்த உணவகம் மட்டுமல்லாமல், ரத்த தானம், மருந்துகள், மருத்துவ சேவை, மின்மயானம், ஆம்புலன்ஸ்  என பலவிதங்களில் மக்களுக்கு சேவை செய்கின்றனர்.எல்லாம் மிகக்குறைந்த விலையிலேயே சேவையினை வழங்குகின்றனர்.வெளி நபர்களிடம் இருந்து எந்த ஒரு நன்கொடையும் பெறாமல் இந்த அரும்பெரும் சேவையை நடத்திவரும் திரு சுப்ரமணியன் அவர்களும், அவர் தம் குடும்பத்தினரும் மென்மேலும் பல்லாண்டு வாழ வாழ்த்துகிறேன்.

       சாப்பிட்டு முடித்து கை கழுவிவிட்டு வெளியேறும் வாயிலில் ஆலோசனைப்பெட்டி இருக்கிறது.உங்களின் ஆலோசனைகளை எழுத ஒரு படிவமும் இருக்கிறது.மேலும் ரத்த தானம் செய்ய விரும்புவர்கள் நிரப்ப ஒரு படிவமும் இருக்கிறது.எங்கள் பங்கிற்கு நல்ல ஒரு நாலு வார்த்தைகளை வாழ்த்துக்களாய் எழுதிவிட்டு வந்தோம்.

சாந்தி கேண்டீன் மற்றும் இன்ன பிற சேவைகள் அனைத்தும் கோவைக்கு ஒரு வரப்பிரசாதம்.இது திருச்சி சாலை சிங்காநல்லூரில் இருக்கிறது.

வேலை நேரம் : 

காலை 7.00 மணி முதல் 11 மணி வரை

மதியம் 12.00 மணி முதல் 2.30 வரை

மாலை 5.00 மணி முதல் 9.30 வரை

கிசுகிசு : இதுவும் ஹோட்டல்தானே அப்படின்னு  போய் உட்கார்ந்து மணிக்கணக்கா கடலை போடலாம்னு நினைக்கிற ஜோடிகள் வேறெங்காவது போயிடுங்க...பிளீஸ் நல்ல நோக்கத்தினை பாழ் பண்ணாதீங்க..அப்புறம் இங்க அம்மணிகள் இருந்தாலும் நானும் எதுவும் சொல்லாமல் அமைதியாகிறேன்.(நல்லவேளை ...அம்மணிகள் இல்லையே இந்த பதிவில் அப்படின்னு யாரும் சொல்றதுக்குள்ள நானே சொல்லிட்டேன்..ஹிஹிஹி )

பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்

ஜீவானந்தம்

இன்னும் கொஞ்சம்...

சமையல் - அசைவம் - ஃபிஷ் ஃபிங்கர் ஃபிரை (Fish finger fry )

வாரா வாரம் ஞாயிறு அன்னிக்கு வீட்டுல நம்ம கைவண்ணம் தான். (அன்னிக்கு மட்டும் நம்ம அம்மணிக்கு ரெஸ்ட்) இந்த வாரம் கொஞ்சம் டிஃபரண்டா இருக்கட்டுமே அப்படின்னு ஃபிஷ் ஃபிங்கர் ஃபிரை பண்ணினேன்.இது ஒரு சைட் டிஷ்.குழந்தைகளுக்கு ரொம்ப பிடிக்கும்.மீன் சாப்பிடாம இருக்கிறவங்களுக்கு இந்த மாதிரி செஞ்சு கொடுத்தா விரும்பி சாப்பிடுவாங்க...என்ன........ கொஞ்சம் வேலைதான் ஜாஸ்தி...பொதுவா வஞ்சிரம், பாறை போன்ற மீன்களில்தான் செய்வாங்க.நான் நெய்மீன் எடுத்துக்கிட்டேன்.

செய்முறை சொல்லிடறேன்.

வேண்டிய பொருட்கள்:
நெய்மீன் - 500கிராம்
இஞ்சி பூண்டு பேஸ்ட் - சிறிதளவு
மிளகாய்த்தூள்- கொஞ்சம்
கார்ன் மாவு- 2 டீஸ்பூன்
லெமன் சாறு - சிறிது
அரிசிமாவு - கொஞ்சம்
மைதா மாவு- கொஞ்சம்
ப்ரட்கிரம்ஸ் - தேவையான அளவு
உப்பு  - தேவையான அளவு
முட்டை - 2
எண்ணை- பொரிக்க தேவையான அளவு

முதலில் நெய் மீனை சுத்தம் செய்து வாங்கி கொண்டு அதை சுடு நீரில் கொஞ்ச நேரம் போட்டு வைக்க வேண்டும்.பின் அதில் உள்ள முட்களை நீக்கிவிட்டு ஒரு பாத்திரத்தில் போட்டு பிசைந்து கொள்ள வேண்டும்.இதனுடன் மிளகாய்த்தூள், உப்பு, இஞ்சி பூண்டு பேஸ்ட், கார்ன் மாவு. மைதா, அரிசி மாவு, லெமன் சாறு சேர்த்து நன்றாக பிசைந்து கொள்ளவும்.கைகளில் ஒட்டாத பதத்திற்கு நன்றாக கூடவோ குறைத்தோ கார்ன், அரிசி மாவினை சேர்த்துக்கொள்ளவும்.

ப்ரட் துண்டுகளை மிக்ஸியில் இட்டு நன்றாக பொடியாக அரைத்துக் கொள்ளவும்.முட்டையை உடைத்து ஒரு பாத்திரத்தில் போட்டு கலக்கி கொள்ளவும்.

பிசைந்து வைத்திருக்கும் ஃபிஷ் கலவையை கொஞ்சம் கொஞ்சமாக எடுத்து விரல் அளவில் இருக்குமாறு உருட்டி வைத்துக்கொள்ளவும்.வாணலியில் எண்ணையை காயவைத்து அதில் இந்த பிஷ் ஃபிங்கரை முட்டையில் நனைத்து , பிரட்டில் தோய்த்து போட வேண்டும்.பொன்னிறமாக வரும் வரை வேக வைத்து பொரித்து எடுக்க வேண்டும்.இப்போது சுவையான ஃபிஷ் ஃபிங்கர் ஃபிரை ரெடி....செஞ்சு சாப்பிட்டா நல்ல டேஸ்டாக இருக்கும்.

குழந்தைகள் விரும்பி சாப்பிடுவர்.அது போலவே பெரியவர்களும்..நமக்கு சைட் டிஷ்க்கு சரியான பதார்த்தம்.

சைவப்ப்ரியர்கள் மீன் இல்லாமல் காய்கறிகளை சேர்த்து முட்டை சேர்க்காமல் பொறிக்கலாம்.வெஜ் ஃபிங்கர் ஃபிரை.

 பதிவர் சந்திப்பு -  நாள் -1.9.2013, இடம் - சென்னை  - அனைவரும் வாரீர்

நேசங்களுடன்
ஜீவானந்தம்

இன்னும் கொஞ்சம்...

ரெடியாகிட்டோம்....பதிவர் சந்திப்பு சென்னைக்கு

ரெடியாகிட்டோம்...இன்ப சுற்றுலாவிற்கு நாங்க....அப்ப நீங்க.....

சென்னையில் நடக்கிற பதிவர் சந்திப்புக்கு வேன் சகிதம் எல்லாம் ரெடி..

காலையில கிளம்பினா சாயந்திரம் போயிடலாம்..

(மறக்காம மத்தியான சாப்பாட்டுக்கு கட்டுச்சோறு கட்டிட்டு வந்திடுங்க...எங்காவது வண்டிய நிறுத்தி சாப்பிட்டுவிட்டு போனா தெம்பா இருக்கும்.)

அப்படியே மெரினா பீச்சுல காத்து வாங்கிட்டு அப்படியே மாங்காய் பட்டாணி சுண்டல் சாப்பிட்டுவிட்டு

அங்க இருக்கிற அம்மணிகளை நோட்டம் விட்டுட்டு

கிளம்பி வந்து ரூமில தூக்கம் போட்டுட்டு 

ஞாயிற்றுக்கிழமை காலைல நல்ல ஒரு ஹோட்டலில சாப்பிட்டுட்டு (கோவை மெஸ்ஸுக்கு பதிவு தேத்தனும் வேற )

பதிவர் சந்திப்பில் கலந்து கொண்டு ஒரு அட்டணன்ஸ் போட்டுட்டு

அங்க போடற மத்தியான சாப்பாட்டை ஒரு கட்டு கட்டிட்டு (பார்சல் இல்ல...)

இருக்கிற மிச்ச சொச்ச நிகழ்ச்சிகளையும் பார்த்துட்டு

சாயங்காலம் கிளம்பினா அடுத்த நாள் காலை 5 மணிக்கு கோவை வந்திடலாம்

அப்புறம் வழக்கம் போல வேலைக்கு போக வேண்டியது தான்...

வேலைக்கு போன இடத்துல பதிவர் சந்திப்பு சுவாரசியங்களை இணையத்துல போட்டு

ஒரு மாசம் பதிவர்களை கொன்னெடுக்கலாம்...

யாரெல்லாம் வரீங்க....

கை தூக்குங்க....

கோவை மு சரளா -  உள்ளேன் ஐயா...

அகிலா -  உள்ளேன் ஐயா.

நிகழ்காலம் எழில் -  உள்ளேன் ஐயா...

கலாகுமரன் -  உள்ளேன் ஐயா...

ஆவி -  உள்ளேன் ஐயா...

உலக சினிமா ரசிகன் -  உள்ளேன் ஐயா...

கோவை சதிஸ் -  உள்ளேன் ஐயா...

நிர்மல் குமார் - உள்ளேன் ஐயா...

சுட்டி மலர்  - உள்ளேன் ஐயா...

அப்புறம்

நானும் இருக்கேனுங்க....

இன்னும் யாராவது வரணும்னு நினைச்சீங்கன்னா சீக்கிரம் அட்டனன்ஸ் போட்டுடுங்க...அப்புறம் வேன்ல தொங்கிட்டு தான் வரணும்..இல்லே டாப்ல தான் உட்கோரணும்..

அப்புறம் முக்கிய விசயமுங்க...எல்லாரும் சேர்ந்து தாங்க செலவை பிரிச்சுக்கணும்..இல்லேனா வண்டி ஓடாதுங் சாமியோவ்......

கூப்பிடுங்க எங்களை ( கோவையில இருந்து பதிவு எழுதறவங்க, பிளாக் ஆரம்பிக்கணும்னு நினைக்கிறவங்க  )

அகிலா - 94431 95561

கலாகுமரன் - 88700 25552

சரளா - 97891 89444

கிசுகிசு : 

கவிஞர்கள் நிறைய பேர் இருக்கிறதால் வண்டியில் போகும் போது யாரும் கவிதை சொல்லக்கூடாது...மீறி சொன்னா நான் வண்டியில இருந்து குதிச்சிடுவேன்..ஹிஹிஹி

நேசங்களுடன்

ஜீவானந்தம்

இன்னும் கொஞ்சம்...